Xenophon, Cyropaedia, Κύρου Παιδείασ Α, chapter 6 47:

ὥσπερ οὖν προεῖπον, εἰ τοιαῦτα ἐθελήσαισ καὶ ἐπὶ τοῖσ ἀνθρώποισ μηχανᾶσθαι, οὐκ οἶδ’ ἔγωγε εἴ τινοσ λείποιο ἂν τῶν πολεμίων. ἢν δέ ποτε ἄρα ἀνάγκη γένηται καὶ ἐν τῷ ἰσοπέδῳ καὶ ἐκ τοῦ ἐμφανοῦσ καὶ ὡπλισμένουσ ἀμφοτέρουσ μάχην συνάπτειν, ἐν τῷ τοιούτῳ δή, ὦ παῖ, αἱ ἐκ πολλοῦ παρεσκευασμέναι πλεονεξίαι μέγα δύνανται. ταύτασ δὲ ἐγὼ λέγω εἶναι, ἢν τῶν στρατιωτῶν εὖ μὲν τὰ σώματα ἠσκημένα ᾖ, εὖ δὲ αἱ ψυχαὶ τεθηγμέναι, εὖ δὲ αἱ πολεμικαὶ τέχναι μεμελετημέναι ὦσιν.