Xenophon, Cyropaedia, Κύρου Παιδείασ Α, chapter 6 22:

(크세노폰, Cyropaedia, Κύρου Παιδείασ Α, chapter 6 22:)

λέγεισ σύ, ἔφη, ὦ πάτερ, ὡσ ἐμοὶ δοκεῖ, ὥσπερ οὐδὲ γεωργοῦ ἀργοῦ οὐδὲν ὄφελοσ, οὕτωσ οὐδὲ στρατηγοῦ ἀργοῦντοσ οὐδὲν ὄφελοσ εἶναι. τὸν δέ γε ἐργάτην στρατηγὸν ἐγώ, ἔφη, ἀναδέχομαι, ἢν μή τισ θεὸσ βλάπτῃ, ἅμα καὶ τὰ ἐπιτήδεια μάλιστα ἔχοντασ τοὺσ στρατιώτασ ἀποδείξειν καὶ τὰ σώματα ἄριστα ἔχοντασ παρασκευάσειν. ἀλλὰ μέντοι, ἔφη, τό γε μελετᾶσθαι ἕκαστα τῶν πολεμικῶν ἔργων, ἀγῶνασ ἄν τίσ μοι δοκεῖ, ἔφη, ὦ πάτερ, προειπὼν ἑκάστοισ καὶ ἆθλα προτιθεὶσ μάλιστ’ ἂν ποιεῖν εὖ ἀσκεῖσθαι ἕκαστα, ὥστε ὁπότε δέοιτο ἔχειν ἂν παρεσκευασμένοισ χρῆσθαι. κάλλιστα λέγεισ, ἔφη, ὦ παῖ· τοῦτο γὰρ ποιήσασ, σάφ’ ἴσθι, ὥσπερ χοροὺσ τὰσ τάξεισ ἀεὶ τὰ προσήκοντα μελετώσασ θεάσῃ.

일치하는 문장이 없습니다.

SEARCH

MENU NAVIGATION