Xenophon, Cyropaedia, Κύρου Παιδείασ Α, chapter 6 5:

καὶ μὲν δή, ὦ πάτερ, ἔφη ὁ Κῦροσ, ὡσ ἂν ἵλεῳ οἱ θεοὶ ὄντεσ ἡμῖν συμβουλεύειν θέλωσιν, ὅσον δύναμαι κατὰ τὸν σὸν λόγον διατελῶ ἐπιμελούμενοσ. μέμνημαι γάρ, ἔφη, ἀκούσασ ποτέ σου ὅτι εἰκότωσ ἂν καὶ παρὰ θεῶν πρακτικώτεροσ εἰή ὥσπερ καὶ παρ’ ἀνθρώπων ὅστισ μὴ ὁπότε ἐν ἀπόροισ εἰή, τότε κολακεύοι, ἀλλ’ ὅτε τὰ ἄριστα πράττοι, τότε μάλιστα τῶν θεῶν μεμνῇτο· καὶ τῶν φίλων δ’ ἔφησθα χρῆναι ὡσαύτωσ οὕτωσ ἐπιμελεῖσθαι.