Xenophon, Cyropaedia, Κύρου Παιδείασ Α, chapter 5 7:

οὕτω δὴ δεξαμένου τοῦ Κύρου οἱ βουλεύοντεσ γεραίτεροι αἱροῦνται αὐτὸν ἄρχοντα τῆσ εἰσ Μήδουσ στρατιᾶσ. ἔδοσαν δὲ αὐτῷ καὶ προσελέσθαι διακοσίουσ τῶν ὁμοτίμων, τῶν δ’ αὖ διακοσίων ἑκάστῳ τέτταρασ ἔδωκαν προσελέσθαι καὶ τούτουσ ἐκ τῶν ὁμοτίμων· γίγνονται μὲν δὴ οὗτοι χίλιοι· τῶν δ’ αὖ χιλίων τούτων ἑκάστῳ ἔταξαν ἐκ τοῦ δήμου τῶν Περσῶν δέκα μὲν πελταστὰσ προσελέσθαι, δέκα δὲ σφενδονήτασ, δέκα δὲ τοξότασ· καὶ οὕτωσ ἐγένοντο μύριοι μὲν τοξόται, μύριοι δὲ πελτασταί, μύριοι δὲ σφενδονῆται· χωρὶσ δὲ τούτων οἱ χίλιοι ὑπῆρχον. τοσαύτη μὲν δὴ στρατιὰ τῷ Κύρῳ ἐδόθη.