Xenophon, Cyropaedia, Κύρου Παιδείασ Α, chapter 3 4:

ἀντασπαζόμενοσ δὲ ὁ πάπποσ αὐτὸν καὶ στολὴν καλὴν ἐνέδυσε καὶ στρεπτοῖσ καὶ ψελίοισ ἐτίμα καὶ ἐκόσμει, καὶ εἴ ποι ἐξελαύνοι, ἐφ’ ἵππου χρυσοχαλίνου περιῆγεν, ὥσπερ καὶ αὐτὸσ εἰώθει πορεύεσθαι. ὁ δὲ Κῦροσ ἅτε παῖσ ὢν καὶ φιλόκαλοσ καὶ φιλότιμοσ ἥδετο τῇ στολῇ, καὶ ἱππεύειν μανθάνων ὑπερέχαιρεν· ἐν Πέρσαισ γὰρ διὰ τὸ χαλεπὸν εἶναι καὶ τρέφειν ἵππουσ καὶ ἱππεύειν ἐν ὀρεινῇ οὔσῃ τῇ χώρᾳ καὶ ἰδεῖν ἵππον πάνυ σπάνιον ἦν.