Xenophon, Cyropaedia, Κύρου Παιδείασ Α, chapter 2 2:

πατρὸσ μὲν δὴ ὁ Κῦροσ λέγεται γενέσθαι Καμβύσου Περσῶν βασιλέωσ· ὁ δὲ Καμβύσησ οὗτοσ τοῦ Περσειδῶν γένουσ ἦν· οἱ δὲ Περσεῖδαι ἀπὸ Περσέωσ κλῄζονται· μητρὸσ δὲ ὁμολογεῖται Μανδάνησ γενέσθαι· ἡ δὲ Μανδάνη αὕτη Ἀστυάγουσ ἦν θυγάτηρ τοῦ Μήδων γενομένου βασιλέωσ. φῦναι δὲ ὁ Κῦροσ λέγεται καὶ ᾄδεται ἔτι καὶ νῦν ὑπὸ τῶν βαρβάρων εἶδοσ μὲν κάλλιστοσ, ψυχὴν δὲ φιλανθρωπότατοσ καὶ φιλομαθέστατοσ καὶ φιλοτιμότατοσ, ὥστε πάντα μὲν πόνον ἀνατλῆναι, πάντα δὲ κίνδυνον ὑπομεῖναι τοῦ ἐπαινεῖσθαι ἕνεκα.