헬라어 문장 검색 - ΧενοπήΑναβασί6́2́

(크세노폰, Anabasis, Κύρου Ἀναβάσεως, chapter 2)

ἐντεῦθεν τῇ ὑστεραίᾳ ἀναγόμενοι πνεύματι ἔπλεον καλῷ ἡμέρασ δύο παρὰ γῆν. καὶ παραπλέοντεσ ἐθεώρουν τήν τε Ιἀσονίαν ἀκτήν, ἔνθα ἡ Ἀργὼ λέγεται ὁρμίσασθαι, καὶ τῶν ποταμῶν τὰ στόματα, πρῶτον μὲν τοῦ Θερμώδοντοσ, ἔπειτα δὲ τοῦ Ἴριοσ, ἔπειτα δὲ τοῦ Ἅλυοσ, μετὰ τοῦτον τοῦ Παρθενίου· τοῦτον δὲ παραπλεύσαντεσ ἀφίκοντο εἰσ Ἡράκλειαν πόλιν Ἑλληνίδα Μεγαρέων ἄποικον, οὖσαν δ’ ἐν τῇ Μαριανδυνῶν χώρᾳ. καὶ ὡρμίσαντο παρὰ τῇ Ἀχερουσιάδι Χερρονήσῳ, ἔνθα λέγεται ὁ Ἡρακλῆσ ἐπὶ τὸν Κέρβερον κύνα καταβῆναι ᾗ νῦν τὰ σημεῖα δεικνύασι τῆσ καταβάσεωσ τὸ βάθοσ πλέον ἢ ἐπὶ δύο στάδια.

ἐνταῦθα τοῖσ Ἕλλησιν οἱ Ἡρακλεῶται ξένια πέμπουσιν ἀλφίτων μεδίμνουσ τρισχιλίουσ καὶ οἴνου κεράμια δισχίλια καὶ βοῦσ εἴκοσι καὶ οἶσ ἑκατόν.

ἐνταῦθα διὰ τοῦ πεδίου ῥεῖ ποταμὸσ Λύκοσ ὄνομα, εὖροσ ὡσ δύο πλέθρων. οἱ δὲ στρατιῶται συλλεγέντεσ ἐβουλεύοντο τὴν λοιπὴν πορείαν πότερον κατὰ γῆν ἢ κατὰ θάλατταν χρὴ πορευθῆναι ἐκ τοῦ Πόντου.

ἀναστὰσ δὲ Λύκων Ἀχαιὸσ εἶπε· θαυμάζω μέν, ὦ ἄνδρεσ, τῶν στρατηγῶν ὅτι οὐ πειρῶνται ἡμῖν ἐκπορίζειν σιτηρέσιον· τὺ μὲν γὰρ ξένια οὐ μὴ γένηται τῇ στρατιᾷ τριῶν ἡμερῶν σιτία· ὁπόθεν δ’ ἐπισιτισάμενοι πορευσόμεθα οὐκ ἔστιν, ἔφη. ἐμοὶ οὖν δοκεῖ αἰτεῖν τοὺσ Ἡρακλεώτασ μὴ ἔλαττον ἢ τρισχιλίουσ κυζικηνούσ· ἄλλοσ δ’ εἶπε μὴ ἔλαττον ἢ μυρίουσ·

καὶ ἑλομένουσ πρέσβεισ αὐτίκα μάλα ἡμῶν καθημένων πέμπειν πρὸσ τὴν πόλιν, καὶ εἰδέναι ὅ τι ἂν ἀπαγγέλλωσι, καὶ πρὸσ ταῦτα βουλεύεσθαι. ἐντεῦθεν προυβάλλοντο πρέσβεισ πρῶτον μὲν Χειρίσοφον, ὅτι ἄρχων ᾕρητο·

ἔστι δ’ οἳ καὶ Ξενοφῶντα. οἱ δὲ ἰσχυρῶσ ἀπεμάχοντο· ἀμφοῖν γὰρ ταὐτὰ ἐδόκει μὴ ἀναγκάζειν πόλιν Ἑλληνίδα καὶ φιλίαν ὅ τι μὴ αὐτοὶ ἐθέλοντεσ διδοῖεν. ἐπεὶ δ’ οὗτοι ἐδόκουν ἀπρόθυμοι εἶναι, πέμπουσι Λύκωνα Ἀχαιὸν καὶ Καλλίμαχον Παρράσιον καὶ Ἀγασίαν Στυμφάλιον.

οὗτοι ἐλθόντεσ ἔλεγον τὰ δεδογμένα· τὸν δὲ Λύκωνα ἔφασαν καὶ ἐπαπειλεῖν, εἰ μὴ ποιήσοιεν ταῦτα. ἀκούσαντεσ δ’ οἱ Ἡρακλεῶται βουλεύσεσθαι ἔφασαν·

καὶ εὐθὺσ τά τε χρήματα ἐκ τῶν ἀγρῶν συνῆγον καὶ τὴν ἀγορὰν εἴσω ἀνεσκεύασαν, καὶ αἱ πύλαι ἐκέκλειντο καὶ ἐπὶ τῶν τειχῶν ὅπλα ἐφαίνετο. ἐκ τούτου οἱ ταράξαντεσ ταῦτα τοὺσ στρατηγοὺσ ᾐτιῶντο διαφθείρειν τὴν πρᾶξιν·

καὶ συνίσταντο οἱ Ἀρκάδεσ καὶ οἱ Ἀχαιοί· προειστήκει δὲ μάλιστα αὐτῶν Καλλίμαχόσ τε ὁ Παρράσιοσ καὶ Λύκων ὁ Ἀχαιόσ. οἱ δὲ λόγοι ἦσαν αὐτοῖσ ὡσ αἰσχρὸν εἰή ἄρχειν Ἀθηναῖον Πελοποννησίων καὶ Λακεδαιμόνιον, μηδεμίαν δύναμιν παρεχόμενον εἰσ τὴν στρατιάν, καὶ τοὺσ μὲν πόνουσ σφᾶσ ἔχειν, τὰ δὲ κέρδη ἄλλουσ, καὶ ταῦτα τὴν σωτηρίαν σφῶν κατειργασμένων·

εἶναι γὰρ τοὺσ κατειργασμένουσ Ἀρκάδασ καὶ Ἀχαιούσ, τὸ δ’ ἄλλο στράτευμα οὐδὲν εἶναι καὶ ἦν δὲ τῇ ἀληθείᾳ ὑπὲρ ἥμισυ τοῦ στρατεύματοσ Ἀρκάδεσ καὶ Ἀχαιοί· εἰ οὖν σωφρονοῖεν, αὐτοὶ συστάντεσ καὶ στρατηγοὺσ ἑλόμενοι ἑαυτῶν καθ’ ἑαυτοὺσ ἂν τὴν πορείαν ποιοῖντο καὶ πειρῷντο ἀγαθόν τι λαμβάνειν.

ταῦτ’ ἔδοξε·

καὶ ἀπολιπόντεσ Χειρίσοφον εἴ τινεσ ἦσαν παρ’ αὐτῷ Ἀρκάδεσ ἢ Ἀχαιοὶ καὶ Ξενοφῶντα συνέστησαν καὶ στρατηγοὺσ αἱροῦνται ἑαυτῶν δέκα· τούτουσ δὲ ἐψηφίσαντο ἐκ τῆσ νικώσησ ὅ τι δοκοίη τοῦτο ποιεῖν. ἡ μὲν οὖν τοῦ παντὸσ ἀρχὴ Χειρισόφῳ ἐνταῦθα κατελύθη ἡμέρᾳ ἕκτῃ ἢ ἑβδόμῃ ἀφ’ ἧσ ᾑρέθη. Ξενοφῶν μέντοι ἐβούλετο κοινῇ μετ’ αὐτῶν τὴν πορείαν ποιεῖσθαι, νομίζων οὕτωσ ἀσφαλεστέραν εἶναι ἢ ἰδίᾳ ἕκαστον στέλλεσθαι·

ἀλλὰ Νέων ἔπειθεν αὐτὸν καθ’ αὑτὸν πορεύεσθαι, ἀκούσασ τοῦ Χειρισόφου ὅτι Κλέανδροσ ὁ ἐν Βυζαντίῳ ἁρμοστὴσ φαίη τριήρεισ ἔχων ἥξειν εἰσ Κάλπησ λιμένα· ὅπωσ οὖν μηδεὶσ μετάσχοι, ἀλλ’ αὐτοὶ καὶ οἱ αὐτῶν στρατιῶται ἐκπλεύσειαν ἐπὶ τῶν τριήρων, διὰ ταῦτα συνεβούλευε.

καὶ Χειρίσοφοσ, ἅμα μὲν ἀθυμῶν τοῖσ γεγενημένοισ, ἅμα δὲ μισῶν ἐκ τούτου τὸ στράτευμα, ἐπιτρέπει αὐτῷ ποιεῖν ὅ τι βούλεται. Ξενοφῶν δὲ ἔτι μὲν ἐπεχείρησεν ἀπαλλαγεὶσ τῆσ στρατιᾶσ ἐκπλεῦσαι·

θυομένῳ δὲ αὐτῷ τῷ ἡγεμόνι Ἡρακλεῖ καὶ κοινουμένῳ, πότερα λῷον καὶ ἄμεινον εἰή στρατεύεσθαι ἔχοντι τοὺσ παραμείναντασ τῶν στρατιωτῶν ἢ ἀπαλλάττεσθαι, ἐσήμηνεν ὁ θεὸσ τοῖσ ἱεροῖσ συστρατεύεσθαι. οὕτω γίγνεται τὸ στράτευμα τρίχα, Ἀρκάδεσ μὲν καὶ Ἀχαιοὶ πλείουσ ἢ τετρακισχίλιοι, ὁπλῖται πάντεσ, Χειρισόφῳ δ’ ὁπλῖται μὲν εἰσ τετρακοσίουσ καὶ χιλίουσ, πελτασταὶ δὲ εἰσ ἑπτακοσίουσ, οἱ Κλεάρχου Θρᾷκεσ, Ξενοφῶντι δὲ ὁπλῖται μὲν εἰσ ἑπτακοσίουσ καὶ χιλίουσ, πελτασταὶ δὲ εἰσ τριακοσίουσ·

ἱππικὸν δὲ μόνοσ οὗτοσ εἶχεν, ἀμφὶ τετταράκοντα ἱππέασ. καὶ οἱ μὲν Ἀρκάδεσ διαπραξάμενοι πλοῖα παρὰ τῶν Ἡρακλεωτῶν πρῶτοι πλέουσιν, ὅπωσ ἐξαίφνησ ἐπιπεσόντεσ τοῖσ Βιθυνοῖσ λάβοιεν ὅτι πλεῖστα·

καὶ ἀποβαίνουσιν εἰσ Κάλπησ λιμένα κατὰ μέσον πωσ τῆσ Θρᾴκησ. Χειρίσοφοσ δ’ εὐθὺσ ἀπὸ τῆσ πόλεωσ τῶν Ἡρακλεωτῶν ἀρξάμενοσ πεζῇ ἐπορεύετο διὰ τῆσ χώρασ·

ἐπεὶ δὲ εἰσ τὴν Θρᾴκην ἐνέβαλε, παρὰ τὴν θάλατταν ᾔει· καὶ γὰρ ἠσθένει.

Ξενοφῶν δὲ πλοῖα λαβὼν ἀποβαίνει ἐπὶ τὰ ὁρ́ια τῆσ Θρᾴκησ καὶ τῆσ Ἡρακλεώτιδοσ καὶ διὰ μεσογείασ ἐπορεύετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεως, chapter 2

(크세노폰, Anabasis, Κύρου Ἀναβάσεως, chapter 2)

상위

목록

SEARCH

MENU NAVIGATION