Xenophon, Anabasis, Κύρου Ἀναβάσεως, chapter 1 36:

οὕτω δὴ Χειρίσοφον αἱροῦνται. Χειρίσοφοσ δ’ ἐπεὶ ᾑρέθη, παρελθὼν εἶπεν· ἀλλ’, ὦ ἄνδρεσ, τοῦτο μὲν ἴστε, ὅτι οὐδ’ ἂν ἔγωγε ἐστασίαζον, εἰ ἄλλον εἵλεσθε· Ξενοφῶντα μέντοι, ἔφη, ὠνήσατε οὐχ ἑλόμενοι· ὡσ καὶ νῦν Δέξιπποσ ἤδη διέβαλλεν αὐτὸν πρὸσ Ἀναξίβιον ὅ τι ἐδύνατο καὶ μάλα ἐμοῦ αὐτὸν σιγάζοντοσ. ὁ δ’ ἔφη νομίζειν αὐτὸν Τιμασίωνι μᾶλλον ἄρχειν συνεθελῆσαι Δαρδανεῖ ὄντι τοῦ Κλεάρχου στρατεύματοσ ἢ ἑαυτῷ Λάκωνι ὄντι.