헬라어 문장 검색 - ΧενοπήΑναβασί5́3́

(크세노폰, Anabasis, Κύρου Ἀναβάσεωσ Ε, chapter 3)

ἐπεὶ δὲ οὔτε Χειρίσοφοσ ἧκεν οὔτε πλοῖα ἱκανὰ ἦν οὔτε τὰ ἐπιτήδεια ἦν λαμβάνειν ἔτι, ἐδόκει ἀπιτέον εἶναι. καὶ εἰσ μὲν τὰ πλοῖα τούσ τε ἀσθενοῦντασ ἐνεβίβασαν καὶ τοὺσ ὑπὲρ τετταράκοντα ἔτη καὶ παῖδασ καὶ γυναῖκασ καὶ τῶν σκευῶν ὅσα μὴ ἀνάγκη ἦν ἔχειν. καὶ Φιλήσιον καὶ Σοφαίνετον τοὺσ πρεσβυτάτουσ τῶν στρατηγῶν εἰσβιβάσαντεσ τούτων ἐκέλευον ἐπιμελεῖσθαι· οἱ δὲ ἄλλοι ἐπορεύοντο· ἡ δὲ ὁδὸσ ὡδοποιημένη ἦν. καὶ ἀφικνοῦνται πορευόμενοι εἰσ Κερασοῦντα τριταῖοι πόλιν Ἑλληνίδα ἐπὶ θαλάττῃ Σινωπέων ἄποικον ἐν τῇ Κολχίδι χώρᾳ.

ἐνταῦθα ἔμειναν ἡμέρασ δέκα·

καὶ ἐξέτασισ σὺν τοῖσ ὅπλοισ ἐγίγνετο καὶ ἀριθμόσ, καὶ ἐγένοντο ὀκτακισχίλιοι καὶ ἑξακόσιοι. οὗτοι ἐσώθησαν. οἱ δὲ ἄλλοι ἀπώλοντο ὑπό τε τῶν πολεμίων καὶ χιόνοσ καὶ εἴ τισ νόσῳ. ἐνταῦθα καὶ διαλαμβάνουσι τὸ ἀπὸ τῶν αἰχμαλώτων ἀργύριον γενόμενον.

καὶ τὴν δεκάτην, ἣν τῷ Ἀπόλλωνι ἐξεῖλον καὶ τῇ Ἐφεσίᾳ Ἀρτέμιδι, διέλαβον οἱ στρατηγοὶ τὸ μέροσ ἕκαστοσ φυλάττειν τοῖσ θεοῖσ· ἀντὶ δὲ Χειρισόφου Νέων ὁ Ἀσιναῖοσ ἔλαβε. Ξενοφῶν οὖν τὸ μὲν τοῦ Ἀπόλλωνοσ ἀνάθημα ποιησάμενοσ ἀνατίθησιν εἰσ τὸν ἐν Δελφοῖσ τῶν Ἀθηναίων θησαυρὸν καὶ ἐπέγραψε τό τε αὑτοῦ ὄνομα καὶ τὸ Προξένου, ὃσ σὺν Κλεάρχῳ ἀπέθανεν·

ξένοσ γὰρ ἦν αὐτοῦ. τὸ δὲ τῆσ Ἀρτέμιδοσ τῆσ Ἐφεσίασ, ὅτ’ ἀπῄει σὺν Ἀγησιλάῳ ἐκ τῆσ Ἀσίασ τὴν εἰσ Βοιωτοὺσ ὁδόν, καταλείπει παρὰ Μεγαβύζῳ τῷ τῆσ Ἀρτέμιδοσ νεωκόρῳ, ὅτι αὐτὸσ κινδυνεύσων ἐδόκει ἰέναι, καὶ ἐπέστειλεν, ἢν μὲν αὐτὸσ σωθῇ, αὑτῷ ἀποδοῦναι·

ἢν δέ τι πάθῃ, ἀναθεῖναι ποιησάμενον τῇ Ἀρτέμιδι ὅ τι οἰοίτο χαριεῖσθαι τῇ θεῷ. ἐπειδὴ δ’ ἔφευγεν ὁ Ξενοφῶν, κατοικοῦντοσ ἤδη αὐτοῦ ἐν Σκιλλοῦντι ὑπὸ τῶν Λακεδαιμονίων οἰκισθέντοσ παρὰ τὴν Ὀλυμπίαν ἀφικνεῖται Μεγάβυζοσ εἰσ Ὀλυμπίαν θεωρήσων καὶ ἀποδίδωσι τὴν παρακαταθήκην αὐτῷ.

Ξενοφῶν δὲ λαβὼν χωρίον ὠνεῖται τῇ θεῷ ὅπου ἀνεῖλεν ὁ θεόσ. ἔτυχε δὲ διαρρέων διὰ τοῦ χωρίου ποταμὸσ Σελινοῦσ.

καὶ ἐν Ἐφέσῳ δὲ παρὰ τὸν τῆσ Ἀρτέμιδοσ νεὼν Σελινοῦσ ποταμὸσ παραρρεῖ. καὶ ἰχθύεσ τε ἐν ἀμφοτέροισ ἔνεισι καὶ κόγχαι· ἐν δὲ τῷ ἐν Σκιλλοῦντι χωρίῳ καὶ θῆραι πάντων ὁπόσα ἐστὶν ἀγρευόμενα θηρία. ἐποίησε δὲ καὶ βωμὸν καὶ ναὸν ἀπὸ τοῦ ἱεροῦ ἀργυρίου, καὶ τὸ λοιπὸν δὲ ἀεὶ δεκατεύων τὰ ἐκ τοῦ ἀγροῦ ὡραῖα θυσίαν ἐποίει τῇ θεῷ, καὶ πάντεσ οἱ πολῖται καὶ οἱ πρόσχωροι ἄνδρεσ καὶ γυναῖκεσ μετεῖχον τῆσ ἑορτῆσ.

παρεῖχε δὲ ἡ θεὸσ τοῖσ σκηνοῦσιν ἄλφιτα, ἄρτουσ, οἶνον, τραγήματα, καὶ τῶν θυομένων ἀπὸ τῆσ ἱερᾶσ νομῆσ λάχοσ, καὶ τῶν θηρευομένων δέ. καὶ γὰρ θήραν ἐποιοῦντο εἰσ τὴν ἑορτὴν οἵ τε Ξενοφῶντοσ παῖδεσ καὶ οἱ τῶν ἄλλων πολιτῶν, οἱ δὲ βουλόμενοι καὶ ἄνδρεσ ξυνεθήρων·

καὶ ἡλίσκετο τὰ μὲν ἐξ αὐτοῦ τοῦ ἱεροῦ χώρου, τὰ δὲ καὶ ἐκ τῆσ Φολόησ, σύεσ καὶ δορκάδεσ καὶ ἔλαφοι. ἔστι δὲ ἡ χώρα ᾗ ἐκ Λακεδαίμονοσ εἰσ Ὀλυμπίαν πορεύονται ὡσ εἴκοσι στάδιοι ἀπὸ τοῦ ἐν Ὀλυμπίᾳ Διὸσ ἱεροῦ.

ἔνι δ’ ἐν τῷ ἱερῷ χώρῳ καὶ λειμὼν καὶ ὄρη δένδρων μεστά, ἱκανὰ σῦσ καὶ αἶγασ καὶ βοῦσ τρέφειν καὶ ἵππουσ, ὥστε καὶ τὰ τῶν εἰσ τὴν ἑορτὴν ἰόντων ὑποζύγια εὐωχεῖσθαι. περὶ δὲ αὐτὸν τὸν ναὸν ἄλσοσ ἡμέρων δένδρων ἐφυτεύθη ὅσα ἐστὶ τρωκτὰ ὡραῖα.

ὁ δὲ ναὸσ ὡσ μικρὸσ μεγάλῳ τῷ ἐν Ἐφέσῳ εἴκασται, καὶ τὸ ξόανον ἐοίκεν ὡσ κυπαρίττινον χρυσῷ ὄντι τῷ ἐν Ἐφέσῳ. καὶ στήλη ἕστηκε παρὰ τὸν ναὸν γράμματα ἔχουσα·

ἱερὸσ ὁ χῶροσ τῆσ Ἀρτέμιδοσ. τὸν ἔχοντα καὶ καρπούμενον τὴν μὲν δεκάτην καταθύειν ἑκάστου ἔτουσ. ἐκ δὲ τοῦ περιττοῦ τὸν ναὸν ἐπισκευάζειν. ἂν δὲ τισ μὴ ποιῇ ταῦτα τῇ θεῷ μελήσει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Ε, chapter 3

(크세노폰, Anabasis, Κύρου Ἀναβάσεωσ Ε, chapter 3)

상위

목록

SEARCH

MENU NAVIGATION