헬라어 문장 검색 - ΧενοπήΑναβασί5́1́

(크세노폰, Anabasis, Κύρου Ἀναβάσεωσ Ε, chapter 1)

ὅσα μὲν δὴ ἐν τῇ ἀναβάσει τῇ μετὰ Κύρου ἔπραξαν οἱ Ἕλληνεσ, καὶ ἐν τῇ πορείᾳ τῇ μέχρι ἐπὶ θάλατταν τὴν ἐν τῷ Εὐξείνῳ Πόντῳ, καὶ ὡσ εἰσ Τραπεζοῦντα Ἑλληνίδα πόλιν ἀφίκοντο, καὶ ὡσ ἀπέθυσαν ἃ εὔξαντο σωτήρια θύειν ἔνθα πρῶτον εἰσ φιλίαν γῆν ἀφίκοντο, ἐν τῷ πρόσθεν λόγῳ δεδήλωται. ἐκ δὲ τούτου ξυνελθόντεσ ἐβουλεύοντο περὶ τῆσ λοιπῆσ πορείασ·

ἀνέστη δὲ πρῶτοσ Λέων Θούριοσ καὶ ἔλεξεν ὧδε. ἐγὼ μὲν τοίνυν, ἔφη, ὦ ἄνδρεσ, ἀπείρηκα ἤδη ξυσκευαζόμενοσ καὶ βαδίζων καὶ τρέχων καὶ τὰ ὅπλα φέρων καὶ ἐν τάξει ὢν καὶ φυλακὰσ φυλάττων καὶ μαχόμενοσ, ἐπιθυμῶ δὲ ἤδη παυσάμενοσ τούτων τῶν πόνων, ἐπεὶ θάλατταν ἔχομεν, πλεῖν τὸ λοιπὸν καὶ ἐκταθεὶσ ὥσπερ Ὀδυσσεὺσ ἀφικέσθαι εἰσ τὴν Ἑλλάδα. ταῦτα ἀκούσαντεσ οἱ στρατιῶται ἀνεθορύβησαν ὡσ εὖ λέγει·

καὶ ἄλλοσ ταὔτ’ ἔλεγε, καὶ πάντεσ οἱ παριόντεσ. ἔπειτα δὲ Χειρίσοφοσ ἀνέστη καὶ εἶπεν ὧδε. φίλοσ μοί ἐστιν, ὦ ἄνδρεσ, Ἀναξίβιοσ, ναυαρχῶν δὲ καὶ τυγχάνει.

ἢν οὖν πέμψητέ με, οἰόμαι ἂν ἐλθεῖν καὶ τριήρεισ ἔχων καὶ πλοῖα τὰ ἡμᾶσ ἄξοντα· ὑμεῖσ δὲ εἴπερ πλεῖν βούλεσθε, περιμένετε ἔστ’ ἂν ἐγὼ ἔλθω· ἥξω δὲ ταχέωσ. ἀκούσαντεσ ταῦτα οἱ στρατιῶται ἥσθησάν τε καὶ ἐψηφίσαντο πλεῖν αὐτὸν ὡσ τάχιστα. μετὰ τοῦτον Ξενοφῶν ἀνέστη καὶ ἔλεξεν ὧδε.

Χειρίσοφοσ μὲν δὴ ἐπὶ πλοῖα στέλλεται, ἡμεῖσ δὲ ἀναμενοῦμεν. ὅσα μοι οὖν δοκεῖ καιρὸσ εἶναι ποιεῖν ἐν τῇ μονῇ, ταῦτα ἐρῶ. πρῶτον μὲν τὰ ἐπιτήδεια δεῖ πορίζεσθαι ἐκ τῆσ πολεμίασ·

οὔτε γὰρ ἀγορὰ ἔστιν ἱκανὴ οὔτε ὅτου ὠνησόμεθα εὐπορία εἰ μὴ ὀλίγοισ τισίν· ἡ δὲ χώρα πολεμία· κίνδυνοσ οὖν πολλοὺσ ἀπόλλυσθαι, ἢν ἀμελῶσ τε καὶ ἀφυλάκτωσ πορεύησθε ἐπὶ τὰ ἐπιτήδεια. ἀλλά μοι δοκεῖ σὺν προνομαῖσ λαμβάνειν τὰ ἐπιτήδεια, ἄλλωσ δὲ μὴ πλανᾶσθαι, ὡσ σῴζησθε, ἡμᾶσ δὲ τούτων ἐπιμελεῖσθαι.

ἔδοξε ταῦτα.

ἔτι τοίνυν ἀκούσατε καὶ τάδε. ἐπὶ λείαν γὰρ ὑμῶν ἐκπορεύσονταί τινεσ. οἰόμαι οὖν βέλτιστον εἶναι ἡμῖν εἰπεῖν τὸν μέλλοντα ἐξιέναι, φράζειν δὲ καὶ ὅποι, ἵνα καὶ τὸ πλῆθοσ εἰδῶμεν τῶν ἐξιόντων καὶ τῶν μενόντων καὶ ξυμπαρασκευάζωμεν, ἐάν τι δέῃ, κἂν βοηθῆσαί τισι καιρὸσ ᾖ, εἰδῶμεν ὅποι δεήσει βοηθεῖν, καὶ ἐάν τισ τῶν ἀπειροτέρων ἐγχειρῇ ποι, ξυμβουλεύωμεν πειρώμενοι εἰδέναι τὴν δύναμιν ἐφ’ οὓσ ἂν ἰώσιν. ἔδοξε καὶ ταῦτα.

ἐννοεῖτε δὴ καὶ τόδε, ἔφη. σχολὴ τοῖσ πολεμίοισ λῄζεσθαι, καὶ δικαίωσ ἡμῖν ἐπιβουλεύουσιν· ἔχομεν γὰρ τὰ ἐκείνων· ὑπερκάθηνται δὲ ἡμῶν. φυλακὰσ δή μοι δοκεῖ δεῖν περὶ τὸ στρατόπεδον εἶναι· ἐὰν οὖν κατὰ μέροσ μερισθέντεσ φυλάττωμεν καὶ σκοπῶμεν, ἧττον ἂν δύναιντο ἡμᾶσ θηρᾶν οἱ πολέμιοι. ἔτι τοίνυν τάδε ὁρᾶτε. εἰ μὲν ἠπιστάμεθα σαφῶσ ὅτι ἥξει πλοῖα Χειρίσοφοσ ἄγων ἱκανά, οὐδὲν ἂν ἔδει ὧν μέλλω λέγειν·

νῦν δ’ ἐπεὶ τοῦτο ἄδηλον, δοκεῖ μοι πειρᾶσθαι πλοῖα συμπαρασκευάζειν καὶ αὐτόθεν. ἢν μὲν γὰρ ἔλθῃ, ὑπαρχόντων ἐνθάδε ἐν ἀφθονωτέροισ πλευσόμεθα· ἢν δὲ μὴ ἄγῃ, τοῖσ ἐνθάδε χρησόμεθα. ὁρῶ δὲ ἐγὼ πλοῖα πολλάκισ παραπλέοντα·

εἰ οὖν αἰτησάμενοι παρὰ Τραπεζουντίων μακρὰ πλοῖα κατάγοιμεν καὶ φυλάττοιμεν αὐτά, τὰ πηδάλια παραλυόμενοι, ἑώσ ἂν ἱκανὰ τὰ ἄξοντα γένηται, ἴσωσ ἂν οὐκ ἀπορήσαιμεν κομιδῆσ οἱάσ δεόμεθα. ἔδοξε καὶ ταῦτα. ἐννοήσατε δ’, ἔφη, εἰ εἰκὸσ καὶ τρέφειν ἀπὸ κοινοῦ οὓσ ἂν καταγάγωμεν ὅσον ἂν χρόνον ἡμῶν ἕνεκεν μένωσι, καὶ ναῦλον ξυνθέσθαι, ὅπωσ ὠφελοῦντεσ καὶ ὠφελῶνται.

ἔδοξε καὶ ταῦτα. δοκεῖ τοίνυν μοι, ἔφη, ἢν ἄρα καὶ ταῦτα ἡμῖν μὴ ἐκπεραίνηται ὥστε ἀρκεῖν πλοῖα, τὰσ ὁδοὺσ ἃσ δυσπόρουσ ἀκούομεν εἶναι ταῖσ παρὰ θάλατταν οἰκούσαισ πόλεσιν ἐντείλασθαι ὁδοποιεῖν·

πείσονται γὰρ καὶ διὰ τὸ φοβεῖσθαι καὶ διὰ τὸ βούλεσθαι ἡμῶν ἀπαλλαγῆναι. ἐνταῦθα δὲ ἀνέκραγον ὡσ οὐ δέοι ὁδοιπορεῖν.

ὁ δὲ ὡσ ἔγνω τὴν ἀφροσύνην αὐτῶν, ἐπεψήφισε μὲν οὐδέν, τὰσ δὲ πόλεισ ἑκούσασ ἔπεισεν ὁδοποιεῖν, λέγων ὅτι θᾶττον ἀπαλλάξονται, ἢν εὔποροι γένωνται αἱ ὁδοί. ἔλαβον δὲ καὶ πεντηκόντορον παρὰ τῶν Τραπεζουντίων, ᾗ ἐπέστησαν Δέξιππον Λάκωνα περίοικον.

οὗτοσ ἀμελήσασ τοῦ ξυλλέγειν πλοῖα ἀποδρὰσ ᾤχετο ἔξω τοῦ Πόντου, ἔχων τὴν ναῦν. οὗτοσ μὲν οὖν δίκαια ἔπαθεν ὕστερον· ἐν Θρᾴκῃ γὰρ παρὰ Σεύθῃ πολυπραγμονῶν τι ἀπέθανεν ὑπὸ Νικάνδρου τοῦ Λάκωνοσ. ἔλαβον δὲ καὶ τριακόντορον, ᾗ ἐπεστάθη Πολυκράτησ Ἀθηναῖοσ, ὃσ ὁπόσα λαμβάνοι πλοῖα κατῆγεν ἐπὶ τὸ στρατόπεδον.

καὶ τὰ μὲν ἀγώγιμα εἴ τι ἦγον ἐξαιρούμενοι φύλακασ καθίστασαν, ὅπωσ σῷα εἰή, τοῖσ δὲ πλοίοισ ἐχρήσαντο εἰσ παραγωγήν. ἐν ᾧ δὲ ταῦτα ἦν ἐπὶ λείαν ἐξῇσαν οἱ Ἕλληνεσ, καὶ οἱ μὲν ἐλάμβανον οἱ δὲ καὶ οὔ.

Κλεαίνετοσ δ’ ἐξαγαγὼν καὶ τὸν ἑαυτοῦ καὶ ἄλλον λόχον πρὸσ χωρίον χαλεπὸν αὐτόσ τε ἀπέθανε καὶ ἄλλοι πολλοὶ τῶν σὺν αὐτῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Ε, chapter 1

(크세노폰, Anabasis, Κύρου Ἀναβάσεωσ Ε, chapter 1)

상위

목록

SEARCH

MENU NAVIGATION