헬라어 문장 검색 - ΧενοπήΑναβασί3́5́

(크세노폰, Anabasis, Κύρου Ἀναβάσεωσ Γ, chapter 5)

ἔνθα δὴ οἱ μὲν βάρβαροι στραφέντεσ ἔφευγον ᾗ ἕκαστοσ ἐδύνατο, οἱ δὲ Ἕλληνεσ εἶχον τὸ ἄκρον. οἱ δὲ ἀμφὶ Τισσαφέρνην καὶ Ἀριαῖον ἀποτραπόμενοι ἄλλην ὁδὸν ᾤχοντο. οἱ δὲ ἀμφὶ Χειρίσοφον καταβάντεσ ἐστρατοπεδεύοντο ἐν κώμῃ μεστῇ πολλῶν ἀγαθῶν. ἦσαν δὲ καὶ ἄλλαι κῶμαι πολλαὶ πλήρεισ πολλῶν ἀγαθῶν ἐν τούτῳ τῷ πεδίῳ παρὰ τὸν Τίγρητα ποταμόν. ἡνίκα δ’ ἦν δείλη ἐξαπίνησ οἱ πολέμιοι ἐπιφαίνονται ἐν τῷ πεδίῳ, καὶ τῶν Ἑλλήνων κατέκοψάν τινασ τῶν ἐσκεδασμένων ἐν τῷ πεδίῳ καθ’ ἁρπαγήν·

καὶ γὰρ νομαὶ πολλαὶ βοσκημάτων διαβιβαζόμεναι εἰσ τὸ πέραν τοῦ ποταμοῦ κατελήφθησαν. ἐνταῦθα Τισσαφέρνησ καὶ οἱ σὺν αὐτῷ καίειν ἐπεχείρησαν τὰσ κώμασ.

καὶ τῶν Ἑλλήνων μάλα ἠθύμησάν τινεσ, ἐννοούμενοι μὴ τὰ ἐπιτήδεια, εἰ καίοιεν, οὐκ ἔχοιεν ὁπόθεν λαμβάνοιεν. καὶ οἱ μὲν ἀμφὶ Χειρίσοφον ἀπῇσαν ἐκ τῆσ βοηθείασ·

ὁ δὲ Ξενοφῶν ἐπεὶ κατέβη, παρελαύνων τὰσ τάξεισ ἡνίκα ἀπὸ τῆσ βοηθείασ ἀπήντησαν οἱ Ἕλληνεσ ἔλεγεν· ὁρᾶτε, ὦ ἄνδρεσ Ἕλληνεσ, ὑφιέντασ τὴν χώραν ἤδη ἡμετέραν εἶναι;

ἃ γὰρ ὅτε ἐσπένδοντο διεπράττοντο, μὴ καίειν τὴν βασιλέωσ χώραν, νῦν αὐτοὶ καίουσιν ὡσ ἀλλοτρίαν. ἀλλ’ ἐάν που καταλείπωσί γε αὑτοῖσ ἐπιτήδεια, ὄψονται καὶ ἡμᾶσ ἐνταῦθα πορευομένουσ. ἀλλ’, ὦ Χειρίσοφε, ἔφη, δοκεῖ μοι βοηθεῖν ἐπὶ τοὺσ καίοντασ ὡσ ὑπὲρ τῆσ ἡμετέρασ.

ὁ δὲ Χειρίσοφοσ εἶπεν· οὔκουν ἔμοιγε δοκεῖ· ἀλλὰ καὶ ἡμεῖσ, ἔφη, καίωμεν, καὶ οὕτω θᾶττον παύσονται. ἐπεὶ δὲ ἐπὶ τὰσ σκηνὰσ ἦλθον, οἱ μὲν ἄλλοι περὶ τὰ ἐπιτήδεια ἦσαν, στρατηγοὶ δὲ καὶ λοχαγοὶ συνῇσαν.

καὶ ἐνταῦθα πολλὴ ἀπορία ἦν. ἔνθεν μὲν γὰρ ὄρη ἦν ὑπερύψηλα, ἔνθεν δὲ ὁ ποταμὸσ τοσοῦτοσ βάθοσ ὡσ μηδὲ τὰ δόρατα ὑπερέχειν πειρωμένοισ τοῦ βάθουσ. ἀπορουμένοισ δ’ αὐτοῖσ προσελθών τισ ἀνὴρ Ῥόδιοσ εἶπεν·

ἐγὼ θέλω, ὦ ἄνδρεσ, διαβιβάσαι ὑμᾶσ κατὰ τετρακισχιλίουσ ὁπλίτασ, ἂν ἐμοὶ ὧν δέομαι ὑπηρετήσητε καὶ τάλαντον μισθὸν πορίσητε. ἐρωτώμενοσ δὲ ὅτου δέοιτο, ἀσκῶν, ἔφη, δισχιλίων δεήσομαι·

πολλὰ δ’ ὁρῶ πρόβατα καὶ αἶγασ καὶ βοῦσ καὶ ὄνουσ, ἃ ἀποδαρέντα καὶ φυσηθέντα ῥᾳδίωσ ἂν παρέχοι τὴν διάβασιν. δεήσομαι δὲ καὶ τῶν δεσμῶν οἷσ χρῆσθε περὶ τὰ ὑποζύγια·

τούτοισ ζεύξασ τοὺσ ἀσκοὺσ πρὸσ ἀλλήλουσ, ὁρμίσασ ἕκαστον ἀσκὸν λίθουσ ἀρτήσασ καὶ ἀφεὶσ ὥσπερ ἀγκύρασ εἰσ τὸ ὕδωρ, διαγαγὼν καὶ ἀμφοτέρωθεν δήσασ ἐπιβαλῶ ὕλην καὶ γῆν ἐπιφορήσω· ὅτι μὲν οὖν οὐ καταδύσεσθε αὐτίκα μάλα εἴσεσθε·

πᾶσ γὰρ ἀσκὸσ δύ’ ἄνδρασ ἕξει τοῦ μὴ καταδῦναι. ὥστε δὲ μὴ ὀλισθάνειν ἡ ὕλη καὶ ἡ γῆ σχήσει.

ἀκούσασι ταῦτα τοῖσ στρατηγοῖσ τὸ μὲν ἐνθύμημα χαρίεν ἐδόκει εἶναι, τὸ δ’ ἔργον ἀδύνατον· ἦσαν γὰρ οἱ κωλύσοντεσ πέραν πολλοὶ ἱππεῖσ, οἳ εὐθὺσ τοῖσ πρώτοισ οὐδὲν ἂν ἐπέτρεπον τούτων ποιεῖν. ἐνταῦθα τὴν μὲν ὑστεραίαν ὑπανεχώρουν εἰσ τοὔμπαλιν ἢ πρὸσ Βαβυλῶνα εἰσ τὰσ ἀκαύστουσ κώμασ, κατακαύσαντεσ ἔνθεν ἐξῇσαν·

ὥστε οἱ πολέμιοι οὐ προσήλαυνον, ἀλλὰ ἐθεῶντο καὶ ὅμοιοι ἦσαν θαυμάζειν ὅποι ποτὲ τρέψονται οἱ Ἕλληνεσ καὶ τί ἐν νῷ ἔχοιεν. ἐνταῦθα οἱ μὲν ἄλλοι στρατιῶται ἐπὶ τὰ ἐπιτήδεια ᾖσαν·

οἱ δὲ στρατηγοὶ πάλιν συνῆλθον, καὶ συναγαγόντεσ τοὺσ ἑαλωκότασ ἤλεγχον τὴν κύκλῳ πᾶσαν χώραν τίσ ἑκάστη εἰή. οἱ δὲ ἔλεγον ὅτι τὰ πρὸσ μεσημβρίαν τῆσ ἐπὶ Βαβυλῶνα εἰή καὶ Μηδίαν, δι’ ἧσπερ ἥκοιεν, ἡ δὲ πρὸσ ἑώ ἐπὶ Σοῦσά τε καὶ Ἐκβάτανα φέροι, ἔνθα θερίζειν λέγεται βασιλεύσ, ἡ δὲ διαβάντι τὸν ποταμὸν πρὸσ ἑσπέραν ἐπὶ Λυδίαν καὶ Ιὠνίαν φέροι, ἡ δὲ διὰ τῶν ὀρέων καὶ πρὸσ ἄρκτον τετραμμένη ὅτι εἰσ Καρδούχουσ ἄγοι.

τούτουσ δὲ ἔφασαν οἰκεῖν ἀνὰ τὰ ὄρη καὶ πολεμικοὺσ εἶναι, καὶ βασιλέωσ οὐκ ἀκούειν, ἀλλὰ καὶ ἐμβαλεῖν ποτε εἰσ αὐτοὺσ βασιλικὴν στρατιὰν δώδεκα μυριάδασ·

τούτων δ’ οὐδέν’ ἀπονοστῆσαι διὰ τὴν δυσχωρίαν. ὁπότε μέντοι πρὸσ τὸν σατράπην τὸν ἐν τῷ πεδίῳ σπείσαιντο, καὶ ἐπιμιγνύναι σφῶν τε πρὸσ ἐκείνουσ καὶ ἐκείνων πρὸσ ἑαυτούσ. ἀκούσαντεσ ταῦτα οἱ στρατηγοὶ ἐκάθισαν χωρὶσ τοὺσ ἑκασταχόσε φάσκοντασ εἰδέναι, οὐδὲν δῆλον ποιήσαντεσ ὅποι πορεύεσθαι ἔμελλον.

ἐδόκει δὲ τοῖσ στρατηγοῖσ ἀναγκαῖον εἶναι διὰ τῶν ὀρέων εἰσ Καρδούχουσ ἐμβαλεῖν· τούτουσ γὰρ διελθόντασ ἔφασαν εἰσ Ἀρμενίαν ἥξειν, ἧσ Ὀρόντασ ἦρχε πολλῆσ καὶ εὐδαίμονοσ. ἐντεῦθεν δ’ εὔπορον ἔφασαν εἶναι ὅποι τισ ἐθέλοι πορεύεσθαι. ἐπὶ τούτοισ ἐθύσαντο, ὅπωσ ἡνίκα καὶ δοκοίη τῆσ ὡρ́ασ τὴν πορείαν ποιοῖντο·

τὴν γὰρ ὑπερβολὴν τῶν ὀρέων ἐδεδοίκεσαν μὴ προκαταληφθείη· καὶ παρήγγειλαν, ἐπειδὴ δειπνήσαιεν, συσκευασαμένουσ πάντασ ἀναπαύεσθαι, καὶ ἕπεσθαι ἡνίκ’ ἄν τισ παραγγέλλῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Γ, chapter 5

(크세노폰, Anabasis, Κύρου Ἀναβάσεωσ Γ, chapter 5)

상위

목록

SEARCH

MENU NAVIGATION