호흡부호 보기
강세부호 보기
장단부호 보기
작은 Iota 보기
모든 부호 보기
αἰνιγματῶδεσ πτανέ, τί σοι σιβύνησ, τί δὲ καὶ συὸσ εὐάδε δέρμα; καὶ τίσ ἐὼν στάλασ σύμβολον ἐσσὶ τίνοσ; οὐ Ἔρωτ’ ἐνέπω σε ‐ τί γάρ; νεκύεσσι πάροικοσ ἵμεροσ; αἰάζειν ὁ θρασὺσ οὐκ ἔμαθεν ‐ οὐδὲ μὲν οὐδ’ αὐτὸν ταχύπουν Κρόνον· ἔμπαλι γὰρ δὴ κεῖνοσ μὲν τριγέρων, σοὶ δὲ τέθηλε μέλη. ἀλλ’ ἄρα, ναὶ δοκέω γάρ, ὁ γᾶσ ὑπένερθε σοφιστὰσ ἐστί· σὺ δ’ ὁ πτερόεισ, τοὔνομα τοῦδε, λόγοσ. Λατῴασ δ’ ἄμφηκεσ ἔχεισ γέρασ, ἔσ τε γέλωτα καὶ σπουδάν, καί που μέτρον ἐρωτογράφον. ναὶ μὲν δὴ Μελέαγρον ὀμώνυμον Οἰνέοσ υἱῷ σύμβολα σημαίνει ταῦτα συοκτασίησ.
χαῖρε καὶ ἐν φθιμένοισιν, ἐπεὶ καὶ Μοῦσαν Ἔρωτι καὶ Χάριτασ σοφίαν εἰσ μίαν ἡρμόσαο.
호흡부호 보기
강세부호 보기
장단부호 보기
작은 Iota 보기
모든 부호 보기