호흡부호 보기
강세부호 보기
장단부호 보기
작은 Iota 보기
모든 부호 보기
τὴν καὶ ἅμα χρυσῷ καὶ ἁλουργίδι καὶ σὺν Ἔρωτι θρυπτομένην, ἁπαλῆσ Κύπριδοσ ἁβροτέραν Λαΐδ’ ἔχω, πολιῆτιν ἁλιζώνοιο Κορίνθου, Πειρήνησ λευκῶν φαιδροτέραν λιβάδων, τὴν θνητὴν Κυθέρειαν, ἐφ’ ᾗ μνηστῆρεσ ἀγαυοὶ πλείονεσ ἢ νύμφησ εἵνεκα Τυνδαρίδοσ, δρεπτόμενοι χάριτάσ τε καὶ ὠνητὴν ἀφροδίτην· ἧσ καὶ ὑπ’ εὐώδει τύμβοσ ὄδωδε κρόκῳ, ἧσ ἔτι κηώεντι μύρῳ τὸ διάβροχον ὀστεῦν, καὶ λιπαραὶ θυόεν ἄσθμα πνέουσι κόμαι ᾗ ἔπι καλὸν ἄμυξε κάτα ῥέθοσ Ἀφρογένεια, καὶ γοερὸν λύζων ἐστονάχησεν Ἔρωσ. εἰ δ’ οὐ πάγκοινον δούλην θέτο κέρδεοσ εὐνήν, Ἑλλὰσ ἄν, ὡσ Ἑλένησ, τῆσδ’ ὕπερ ἔσχε πόνον.
호흡부호 보기
강세부호 보기
장단부호 보기
작은 Iota 보기
모든 부호 보기