호흡부호 보기
강세부호 보기
장단부호 보기
작은 Iota 보기
모든 부호 보기
εὑρέθη ἐν Κυζίκῳ νηλεὲσ ὦ δαῖμον, τί δέ μοι καὶ φέγγοσ ἔδειξασ εἰσ ὀλίγων ἐτέων μέτρα μινυνθάδια; ἢ ἵνα λυπήσῃσ δι’ ἐμὴν βιότοιο τελευτὴν μητέρα δειλαίην δάκρυσι καὶ στοναχαῖσ, ἥ μ’ ἔτεχ’, ἥ μ’ ἀτίτηλε, καὶ ἣ πολὺ μείζονα πατρὸσ φροντίδα παιδείησ ἤνυσεν ἡμετέρησ; ὃσ μὲν γὰρ τυτθόν τε καὶ ὀρφανὸν ἐν μεγάροισι κάλλιπεν· ἡ δ’ ἐπ’ ἐμοὶ πάντασ ἔτλη καμάτουσ. ἦ μὲν ἐμοὶ φίλον ἠε͂ν ἐφ’ ἁγνῶν ἡγεμονήων ἐμπρεπέμεν μύθοισ ἀμφὶ δικασπολίασ· ἀλλά μοι οὐ γενύων ὑπεδέξατο κούριμον ἄνθοσ ἡλικίησ ἐρατῆσ, οὐ γάμον, οὐ δαΐδασ·
οὐχ ὑμέναιον ἀείσε περικλυτόν, οὐ τέκοσ εἶδε, δύσποτμοσ, ἐκ γενεῆσ λείψανον ἡμετέρησ, τῆσ πολυθρηνήτου· λυπεῖ δέ με καὶ τεθνεῶτα μητρὸσ Πωλίττησ πένθοσ ἀεξόμενον, Φρόντωνοσ γοεραῖσ ἐπὶ φροντίσιν, ἣ τέκε παῖδα ὠκύμορον, κενεὸν χάρμα φίλησ πατρίδοσ.
호흡부호 보기
강세부호 보기
장단부호 보기
작은 Iota 보기
모든 부호 보기