헬라어 문장 검색 - ΣτραβόΓεογραπ́14́05́046́

(스트라본, 지리학, Book 14, chapter 5 46:)

φήσαντοσ δὲ τοῦ Ἐφόρου διότι τὴν χερρόνησον κατοικεῖ ταύτην ἑκκαίδεκα γένη, τρία μὲν Ἑλληνικὰ τὰ δὲ λοιπὰ βάρβαρα χωρὶσ τῶν μιγάδων, ἐπὶ θαλάττῃ μὲν Κίλικεσ καὶ Πάμφυλοι καὶ Λύκιοι καὶ Βιθυνοὶ καὶ Παφλαγόνεσ καὶ Μαριανδυνοὶ καὶ Τρῶεσ καὶ Κᾶρεσ, Πισίδαι δὲ καὶ Μυσοὶ καὶ Χάλυβεσ καὶ Φρύγεσ καὶ Μιλύαι ἐν τῇ μεσογαίᾳ, διαιτῶν ταῦτα ὁ Ἀπολλόδωροσ ἑπτακαιδέκατόν φησιν εἶναι τὸ τῶν Γαλατῶν, ὃ νεώτερόν ἐστι τοῦ Ἐφόρου, τῶν δ’ εἰρημένων τὰ μὲν Ἑλληνικὰ μήπω κατὰ τὰ Τρωικὰ κατῳκίσθαι, τὰ δὲ βάρβαρα πολλὴν ἔχειν σύγχυσιν διὰ τὸν χρόνον· καταλέγεσθαι δ’ ὑπὸ τοῦ ποιητοῦ τό τε τῶν Τρώων καὶ τῶν νῦν ὀνομαζομένων Παφλαγόνων καὶ Μυσῶν καὶ Φρυγῶν καὶ Καρῶν καὶ Λυκίων, Μῄονάσ τε ἀντὶ Λυδῶν καὶ ἄλλουσ ἀγνῶτασ, οἱο͂ν Ἁλιζῶνασ καὶ Καύκωνασ· ἐκτὸσ δὲ τοῦ καταλόγου Κητείουσ τε καὶ Σολύμουσ καὶ Κίλικασ τοὺσ ἐκ Θήβησ πεδίου καὶ Λέλεγασ· Παμφύλουσ δὲ καὶ Βιθυνοὺσ καὶ Μαριανδυνοὺσ καὶ Πισίδασ καὶ Χάλυβασ καὶ Μιλύασ καὶ Καππάδοκασ μηδ’ ὠνομάσθαι, τοὺσ μὲν διὰ τὸ μηδέπω τοὺσ τόπουσ κατῳκηκέναι τούτουσ, τοὺσ δὲ διὰ τὸ ἑτέροισ γένεσι περιέχεσθαι, ὡσ Ἰδριεῖσ μὲν καὶ Τερμίλαι Καρσί, Δολίονεσ δὲ καὶ Βέβρυκεσ Φρυξί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Strabo, Geography, Book 14, chapter 5 46:

(스트라본, 지리학, Book 14, chapter 5 46:)

상위

목록

SEARCH

MENU NAVIGATION