Strabo, Geography, Book 14, chapter 3 4:

(스트라본, 지리학, Book 14, chapter 3 4:)

μετὰ τοίνυν Δαίδαλα τὰ τῶν Ῥοδίων ὄροσ ἐστὶ τῆσ Λυκίασ ὁμώνυμον αὐτοῖσ Δαίδαλα, ἀφ’ οὗ λαμβάνει τὴν ἀρχὴν ὁ παράπλουσ ἅπασ ὁ Λυκιακόσ, σταδίων μὲν ὢν χιλίων ἑπτακοσίων εἴκοσι, τραχὺσ δὲ καὶ χαλεπόσ, ἀλλ’ εὐλίμενοσ σφόδρα καὶ ὑπὸ ἀνθρώπων συνοικούμενοσ σωφρόνων· ἐπεὶ ἥ γε τῆσ χώρασ φύσισ παραπλησία καὶ τοῖσ Παμφύλοισ ἐστὶ καὶ τοῖσ Τραχειώταισ Κίλιξιν· ἀλλ’ ἐκεῖνοι μὲν ὁρμητηρίοισ ἐχρήσαντο τοῖσ τόποισ πρὸσ τὰ λῃστήρια, αὐτοὶ πειρατεύοντεσ ἢ τοῖσ πειραταῖσ λαφυροπώλια καὶ ναύσταθμα παρέχοντεσ· ἐν Σίδῃ γοῦν πόλει τῆσ Παμφυλίασ τὰ ναυπήγια συνίστατο τοῖσ Κίλιξιν, ὑπὸ κήρυκά τε ἐπώλουν ἐκεῖ τοὺσ ἁλόντασ ἐλευθέρουσ ὁμολογοῦντεσ· Λύκιοι δ’ οὕτω πολιτικῶσ καὶ σωφρόνωσ ζῶντεσ διετέλεσαν ὥστ’ ἐκείνων διὰ τὰσ εὐτυχίασ θαλαττοκρατησάντων μέχρι τῆσ Ἰταλίασ ὅμωσ ὑπ’ οὐδενὸσ ἐξήρθησαν αἰσχροῦ κέρδουσ, ἀλλ’ ἔμειναν ἐν τῇ πατρίῳ διοικήσει τοῦ Λυκιακοῦ συστήματοσ.

일치하는 문장이 없습니다.

SEARCH

MENU NAVIGATION