호흡부호 보기
강세부호 보기
장단부호 보기
작은 Iota 보기
모든 부호 보기
Ἀλάβανδα δὲ καὶ αὐτὴ μὲν ὑπόκειται λόφοισ δυσὶ συγκειμένοισ οὕτωσ ὥστ’ ὄψιν παρέχεσθαι κανθηλίου κατεστρωμένου. καὶ δὴ καὶ ὁ μαλακὸσ Ἀπολλώνιοσ σκώπτων τὴν πόλιν εἴσ τε ταῦτα καὶ εἰσ τὸ τῶν σκορπίων πλῆθοσ, ἔφη αὐτὴν εἶναι σκορπίων κανθήλιον κατεστρωμένον· μεστὴ δ’ ἐστὶ καὶ αὕτη καὶ ἡ τῶν Μυλασέων πόλισ τῶν θηρίων τούτων καὶ ἡ μεταξὺ πᾶσα ὀρεινή. τρυφητῶν δ’ ἐστὶν ἀνθρώπων καὶ καπυριστῶν ἔχουσα ψαλτρίασ πολλάσ. ἄνδρεσ δ’ ἐγένοντο λόγου ἄξιοι δύο ῥήτορεσ ἀδελφοὶ Ἀλαβανδεῖσ, Μενεκλῆσ τε οὗ ἐμνήσθημεν μικρὸν ἐπάνω καὶ Ιἑροκλῆσ, καὶ οἱ μετοικήσαντεσ εἰσ τὴν Ῥόδον ὅ τε Ἀπολλώνιοσ καὶ ὁ Μόλων.
호흡부호 보기
강세부호 보기
장단부호 보기
작은 Iota 보기
모든 부호 보기