Strabo, Geography, Book 14, chapter 1 75:

(스트라본, 지리학, Book 14, chapter 1 75:)

ἄνδρεσ δ’ ἐγένοντο γνώριμοι Μάγνητεσ Ἡγησίασ τε ὁ ῥήτωρ, ὃσ ἦρξε μάλιστα τοῦ Ἀσιανοῦ λεγομένου ζήλου παραφθείρασ τὸ καθεστὼσ ἔθοσ τὸ Ἀττικόν, καὶ Σῖμοσ ὁ μελοποιὸσ παραφθείρασ καὶ αὐτὸσ τὴν τῶν προτέρων μελοποιῶν ἀγωγὴν καὶ τὴν σιμῳδίαν εἰσαγαγών καθάπερ ἔτι μᾶλλον λυσιῳδοὶ καὶ μαγῳδοί, καὶ Κλεόμαχοσ ὁ πύκτησ, ὃσ εἰσ ἔρωτα ἐμπεσὼν κιναίδου τινὸσ καὶ παιδίσκησ ὑπὸ τῷ κιναίδῳ τρεφομένησ ἀπεμιμήσατο τὴν ἀγωγὴν τῶν παρὰ τοῖσ κιναίδοισ διαλέκτων καὶ τῆσ ἠθοποιίασ· ἦρξε δὲ Σωτάδησ μὲν πρῶτοσ τοῦ κιναιδολογεῖν, ἔπειτα Ἀλέξανδροσ ὁ Αἰτωλόσ· ἀλλ’ οὗτοι μὲν ἐν ψιλῷ λόγῳ, μετὰ μέλουσ δὲ Λῦσισ, καὶ ἔτι πρότεροσ τούτου ὁ Σῖμοσ. Ἀναξήνορα δὲ τὸν κιθαρῳδὸν ἐξῆρε μὲν καὶ τὰ θέατρα, ἀλλ’ ὅτι μάλιστα Ἀντώνιοσ, ὅσ γε καὶ τεττάρων πόλεων ἀπέδειξε φορολόγον στρατιώτασ αὐτῷ συστήσασ. καὶ ἡ πατρὶσ δ’ ἱκανῶσ αὐτὸν ηὔξησε πορφύραν ἐνδύσασα ἱερωμένον τοῦ σωσιπόλιδοσ Διόσ, καθάπερ καὶ ἡ γραπτὴ εἰκὼν ἐμφανίζει ἡ ἐν τῇ ἀγορᾷ. ἔστι δὲ καὶ χαλκῆ εἰκὼν ἐν τῷ θεάτρῳ ἐπιγραφὴν ἔχουσα ἤτοι μὲν τόδε καλὸν ἀκουέμεν ἐστὶν ἀοιδοῦ τοιοῦδ’, οἱο͂σ ὅδ’ ἐστί, θεοῖσ ἐναλίγκιοσ αὐδῇ. οὐ στοχασάμενοσ δὲ ὁ ἐπιγράψασ τὸ τελευταῖον γράμμα τοῦ δευτέρου ἔπουσ παρέλιπε τοῦ πλάτουσ τῆσ βάσεωσ μὴ συνεξαρκοῦντοσ, ὥστε τῆσ πόλεωσ ἀμαθίαν καταγινώσκειν παρέσχε διὰ τὴν ἀμφιβολίαν τὴν περὶ τὴν γραφήν, εἴτε τὴν ὀνομαστικὴν δέχοιτο πτῶσιν τῆσ ἐσχάτησ προσηγορίασ εἴτε τὴν δοτικήν· πολλοὶ γὰρ χωρὶσ τοῦ ι γράφουσι τὰσ δοτικάσ, καὶ ἐκβάλλουσι δὲ τὸ ἔθοσ φυσικὴν αἰτίαν οὐκ ἔχον.

일치하는 문장이 없습니다.

SEARCH

MENU NAVIGATION