Strabo, Geography, Book 14, chapter 1 71:

(스트라본, 지리학, Book 14, chapter 1 71:)

πρώτη δ’ ἐστὶν ἐξ Ἐφέσου Μαγνησία πόλισ Αἰολίσ, λεγομένη δὲ ἐπὶ Μαιάνδρῳ· πλησίον γὰρ αὐτοῦ ἵδρυται· πολὺ δὲ πλησιαίτερον ὁ Ληθαῖοσ ἐμβάλλων εἰσ τὸν Μαίανδρον, τὴν δ’ ἀρχὴν ἔχων ἀπὸ Πακτύου τοῦ τῶν Ἐφεσίων ὄρουσ· ἕτεροσ δ’ ἐστὶ Ληθαῖοσ ὁ ἐν Γορτύνῃ καὶ ὁ περὶ Τρίκκην, ἐφ’ ᾧ ὁ Ἀσκληπιὸσ γεννηθῆναι λέγεται, καὶ ἔτι ἐν τοῖσ Ἑσπερίταισ Λίβυσι. κεῖται δ’ ἐν πεδίῳ πρὸσ ὄρει καλουμένῳ Θώρακι ἡ πόλισ, ἐφ’ ᾧ σταυρωθῆναί φασι Δαφίταν τὸν γραμματικὸν λοιδορήσαντα τοὺσ βασιλέασ διὰ διστίχου πορφύρεοι μώλωπεσ, ἀπορρινήματα γάζησ Λυσιμάχου, Λυδῶν ἄρχετε καὶ Φρυγίησ. καὶ λόγιον δ’ ἐκπεσεῖν αὐτῷ λέγεται φυλάττεσθαι τὸν Θώρακα.

일치하는 문장이 없습니다.

SEARCH

MENU NAVIGATION