Strabo, Geography, Book 14, chapter 1 51:

(스트라본, 지리학, Book 14, chapter 1 51:)

μετὰ δὲ Κολοφῶνα ὄροσ Κοράκιον καὶ νησίον ἱερὸν Ἀρτέμιδοσ, εἰσ ὃ διανηχομένασ τίκτειν τὰσ ἐλάφουσ πεπιστεύκασιν. εἶτα Λέβεδοσ διέχουσα Κολοφῶνοσ ἑκατὸν καὶ εἴκοσιν· ἐνταῦθα τῶν περὶ τὸν Διόνυσον τεχνιτῶν ἡ σύνοδοσ καὶ κατοικία τῶν ἐν Ιὠνίᾳ μέχρι Ἑλλησπόντου, ἐν ᾗ πανήγυρίσ τε καὶ ἀγῶνεσ κατ’ ἔτοσ συντελοῦνται τῷ Διονύσῳ. ἐν Τέῳ δὲ ᾤκουν πρότερον τῇ ἐφεξῆσ πόλει τῶν Ιὤνων, ἐμπεσούσησ δὲ στάσεωσ εἰσ Ἔφεσον κατέφυγον· Ἀττάλου δ’ εἰσ Μυόννησον αὐτοὺσ καταστήσαντοσ μεταξὺ Τέω καὶ Λεβέδου, πρεσβεύονται Τήιοι δεόμενοι Ῥωμαίων μὴ περιιδεῖν ἐπιτειχιζομένην σφίσι τὴν Μυόννησον, οἱ δὲ μετέστησαν εἰσ Λέβεδον δεξαμένων τῶν Λεβεδίων ἀσμένωσ διὰ τὴν κατέχουσαν αὐτοὺσ ὀλιγανδρίαν. καὶ Τέωσ δὲ Λεβέδου διέχει ἑκατὸν εἴκοσι, μεταξὺ δὲ νῆσοσ Ἀσπίσ, οἱ δ’ Ἀρκόνησον καλοῦσι· καὶ ἡ Μυόννησοσ δὲ ἐφ’ ὕψουσ χερρονησίζοντοσ κατοικεῖται.

일치하는 문장이 없습니다.

SEARCH

MENU NAVIGATION