Strabo, Geography, Book 14, chapter 1 40:

(스트라본, 지리학, Book 14, chapter 1 40:)

μετὰ δὲ τὴν τοῦ νεὼ συντέλειαν, ὅν φησιν εἶναι Δεινοκράτουσ ἔργον τοῦ δ’ αὐτοῦ καὶ τὴν Ἀλεξανδρείασ κτίσιν· τὸν δ’ αὐτὸν ὑποσχέσθαι Ἀλεξάνδρῳ τὸν Ἄθω διασκευάσειν εἰσ αὐτόν, ὡσανεὶ ἐκ πρόχου τινὸσ εἰσ φιάλην καταχέοντα σπονδήν, ποιήσοντα πόλεισ δύο, τὴν μὲν ἐκ δεξιῶν τοῦ ὄρουσ τὴν δ’ ἐν ἀριστερᾷ, ἀπὸ δὲ τῆσ ἑτέρασ εἰσ τὴν ἑτέραν ῥέοντα ποταμόν, μετὰ δ’ οὖν τὸν νεὼν τὸ τῶν ἄλλων ἀναθημάτων πλῆθοσ εὑρέσθαι τῇ ἐκτιμήσει τῶν δημιουργῶν, τὸν δὲ δὴ βωμὸν εἶναι τῶν Πραξιτέλουσ ἔργων ἅπαντα σχεδόν τι πλήρη. ἡμῖν δ’ ἐδείκνυτο καὶ τῶν Θράσωνόσ τινα, οὗπερ καὶ τὸ Ἑκατήσιόν ἐστι καὶ ἡ κηρίνη Πηνελόπη καὶ ἡ πρεσβῦτισ ἡ Εὐρύκλεια. ἱερέασ δ’ εὐνούχουσ εἶχον οὓσ ἐκάλουν Μεγαβύζουσ, καὶ ἀλλαχόθεν μετιόντεσ ἀεί τινασ ἀξίουσ τῆσ τοιαύτησ προστασίασ, καὶ ἦγον ἐν τιμῇ μεγάλῃ· συνιερᾶσθαι δὲ τούτοισ ἐχρῆν παρθένουσ. νυνὶ δὲ τὰ μὲν φυλάττεται τῶν νομίμων τὰ δ’ ἧττον, ἄσυλον δὲ μένει τὸ ἱερὸν καὶ νῦν καὶ πρότερον· τῆσ δ’ ἀσυλίασ τοὺσ ὁρ́ουσ ἀλλαγῆναι συνέβη πολλάκισ, Ἀλεξάνδρου μὲν ἐπὶ στάδιον ἐκτείναντοσ, Μιθριδάτου δὲ τόξευμα ἀφέντοσ ἀπὸ τῆσ γωνίασ τοῦ κεράμου καὶ δόξαντοσ ὑπερβαλέσθαι μικρὰ τὸ στάδιον, Ἀντωνίου δὲ διπλασιάσαντοσ τοῦτο καὶ συμπεριλαβόντοσ τῇ ἀσυλίᾳ μέροσ τι τῆσ πόλεωσ· ἐφάνη δὲ τοῦτο βλαβερὸν καὶ ἐπὶ τοῖσ κακούργοισ ποιοῦν τὴν πόλιν, ὥστ’ ἠκύρωσεν ὁ Σεβαστὸσ Καῖσαρ.

일치하는 문장이 없습니다.

SEARCH

MENU NAVIGATION