Strabo, Geography, Book 14, chapter 1 38:

(스트라본, 지리학, Book 14, chapter 1 38:)

τὸν δὲ νεὼν τῆσ Ἀρτέμιδοσ πρῶτοσ μὲν Χερσίφρων ἠρχιτεκτόνησεν, εἶτ’ ἄλλοσ ἐποίησε μείζω· ὡσ δὲ τοῦτον Ἡρόστρατόσ τισ ἐνέπρησεν, ἄλλον ἀμείνω κατεσκεύασαν συνενέγκαντεσ τὸν τῶν γυναικῶν κόσμον καὶ τὰσ ἰδίασ οὐσίασ, διαθέμενοι δὲ καὶ τοὺσ προτέρουσ κίονασ· τούτων δὲ μαρτύριά ἐστι τὰ γενηθέντα τότε ψηφίσματα, ἅπερ ἀγνοοῦντά φησιν ὁ Ἀρτεμίδωροσ τὸν Ταυρομενίτην Τίμαιον καὶ ἄλλωσ βάσκανον ὄντα καὶ συκοφάντην διὸ καὶ Ἐπιτίμαιον κληθῆναι λέγειν ὡσ ἐκ τῶν Περσικῶν παρακαταθηκῶν ἐποιήσαντο τοῦ ἱεροῦ τὴν ἐπισκευήν· οὔτε δὲ ὑπάρξαι παρακαταθήκασ τότε, εἴ τε ὑπῆρξαν, συνεμπεπρῆσθαι τῷ ναῷ· μετὰ δὲ τὴν ἔμπρησιν τῆσ ὀροφῆσ ἠφανισμένησ, ἐν ὑπαίθρῳ τῷ σηκῷ τίνα ἂν ἐθελῆσαι παρακαταθήκην κειμένην ἔχειν; Ἀλέξανδρον δὴ τοῖσ Ἐφεσίοισ ὑποσχέσθαι τὰ γεγονότα καὶ τὰ μέλλοντα ἀναλώματα, ἐφ’ ᾧ τε τὴν ἐπιγραφὴν αὐτὸν ἔχειν, τοὺσ δὲ μὴ ἐθελῆσαι, πολὺ μᾶλλον οὐκ ἂν ἐθελήσαντασ ἐξ ἱεροσυλίασ καὶ ἀποστερήσεωσ φιλοδοξεῖν· ἐπαινεῖ τε τὸν εἰπόντα τῶν Ἐφεσίων πρὸσ τὸν βασιλέα, ὡσ οὐ πρέποι θεῷ θεοῖσ ἀναθήματα κατασκευάζειν.

일치하는 문장이 없습니다.

SEARCH

MENU NAVIGATION