Strabo, Geography, Book 14, chapter 1 4:

(스트라본, 지리학, Book 14, chapter 1 4:)

ταύτησ δέ φησι Φερεκύδησ Μίλητον μὲν καὶ Μυοῦντα καὶ τὰ περὶ Μυκάλην καὶ Ἔφεσον Κᾶρασ ἔχειν πρότερον, τὴν δ’ ἑξῆσ παραλίαν μέχρι Φωκαίασ καὶ Χίον καὶ Σάμον, ἧσ Ἀγκαῖοσ ἦρχε, Λέλεγασ· ἐκβληθῆναι δ’ ἀμφοτέρουσ ὑπὸ τῶν Ιὤνων καὶ εἰσ τὰ λοιπὰ μέρη τῆσ Καρίασ ἐκπεσεῖν. ἄρξαι δέ φησιν Ἄνδροκλον τῆσ τῶν Ιὤνων ἀποικίασ, ὕστερον τῆσ Αἰολικῆσ, υἱὸν γνήσιον Κόδρου τοῦ Ἀθηνῶν βασιλέωσ, γενέσθαι δὲ τοῦτον Ἐφέσου κτίστην. διόπερ τὸ βασίλειον τῶν Ιὤνων ἐκεῖ συστῆναί φασι, καὶ ἔτι νῦν οἱ ἐκ τοῦ γένουσ ὀνομάζονται βασιλεῖσ ἔχοντέσ τινασ τιμάσ, προεδρίαν τε ἐν ἀγῶσι καὶ πορφύραν ἐπίσημον τοῦ βασιλικοῦ γένουσ, σκίπωνα ἀντὶ σκήπτρου, καὶ τὰ ἱερὰ τῆσ Ἐλευσινίασ Δήμητροσ. καὶ Μίλητον δ’ ἔκτισεν Νηλεὺσ ἐκ Πύλου τὸ γένοσ ὤν· οἵ τε Μεσσήνιοι καὶ οἱ Πύλιοι συγγένειάν τινα προσποιοῦνται, καθ’ ἣν καὶ Μεσσήνιον τὸν Νέστορα οἱ νεώτεροί φασι ποιηταί, καὶ τοῖσ περὶ Μέλανθον τὸν Κόδρου πατέρα πολλοὺσ καὶ τῶν Πυλίων συνεξᾶραί φασιν εἰσ τὰσ Ἀθήνασ· τοῦτον δὴ πάντα τὸν λαὸν μετὰ τῶν Ιὤνων κοινῇ στεῖλαι τὴν ἀποικίαν· τοῦ δὲ Νηλέωσ ἐπὶ τῷ Ποσειδίῳ βωμὸσ ἵδρυμα δείκνυται. Κυδρῆλοσ δὲ νόθοσ υἱὸσ Κόδρου Μυοῦντα κτίζει· Ἀνδρόπομποσ δὲ Λέβεδον καταλαβόμενοσ τόπον τινὰ Ἄρτιν· Κολοφῶνα δ’ Ἀνδραίμων Πύλιοσ, ὥσ φησι καὶ Μίμνερμοσ ἐν Ναννοῖ· Πριήνην δ’ Αἴπυτοσ ὁ Νηλέωσ, εἶθ’ ὕστερον Φιλωτᾶσ ἐκ Θηβῶν λαὸν ἀγαγών· Τέω δὲ Ἀθάμασ μὲν πρότερον, διόπερ Ἀθαμαντίδα καλεῖ αὐτὴν Ἀνακρέων, κατὰ δὲ τὴν Ιὠνικὴν ἀποικίαν Ναῦκλοσ υἱὸσ Κόδρου νόθοσ, καὶ μετὰ τοῦτον Ἄποικοσ καὶ Δάμασοσ Ἀθηναῖοι καὶ Γέρησ ἐκ Βοιωτῶν· Ἐρυθρὰσ δὲ Κνῶποσ, καὶ οὗτοσ υἱὸσ Κόδρου νόθοσ· Φώκαιαν δ’ οἱ μετὰ Φιλογένουσ Ἀθηναῖοι· Κλαζομενὰσ δὲ Πάραλοσ· Χίον δὲ Ἐγέρτιοσ, σύμμικτον ἐπαγαγόμενοσ πλῆθοσ· Σάμον δὲ Τεμβρίων, εἶθ’ ὕστερον Προκλῆσ.

일치하는 문장이 없습니다.

SEARCH

MENU NAVIGATION