헬라어 문장 검색 - Σοπηοξ́Οεδιπυσ

(소포클레스, 오이디푸스 튀란노스, episode 1:)

οὐδ’ εἰ γὰρ ἦν τὸ πρᾶγμα μὴ θεήλατον, ἀκάθαρτον ὑμᾶσ εἰκὸσ ἦν οὕτωσ ἐᾶν, ἀνδρόσ γ’ ἀρίστου βασιλέωσ τ’ ὀλωλότοσ, ἀλλ’ ἐξερευνᾶν· νῦν δ’ ἐπεὶ κυρῶ γ’ ἐγὼ ἔχων μὲν ἀρχὰσ ἃσ ἐκεῖνοσ εἶχε πρίν, ἔχων δὲ λέκτρα καὶ γυναῖχ’ ὁμόσπορον, κοινῶν τε παίδων κοίν’ ἄν, εἰ κείνῳ γένοσ μὴ ’δυστύχησεν, ἦν ἂν ἐκπεφυκότα· νῦν δ’ ἐσ τὸ κείνου κρᾶτ’ ἐνήλαθ’ ἡ τύχη· ἀνθ’ ὧν ἐγὼ τάδ’, ὡσπερεὶ τοὐμοῦ πατρόσ, ὑπερμαχοῦμαι κἀπὶ πᾶν ἀφίξομαι, ζητῶν τὸν αὐτόχειρα τοῦ φόνου λαβεῖν, τῷ Λαβδακείῳ παιδὶ Πολυδώρου τε καὶ τοῦ πρόσθε Κάδμου τοῦ πάλαι τ’ Ἀγήνοροσ. καὶ ταῦτα τοῖσ μὴ δρῶσιν εὔχομαι θεοὺσ μήτ’ ἄροτον αὐτοῖσ γῆσ ἀνιέναι τινὰ μήτ’ οὖν γυναικῶν παῖδασ, ἀλλὰ τῷ πότμῳ τῷ νῦν φθερεῖσθαι κἄτι τοῦδ’ ἐχθίονι· ὑμῖν δὲ τοῖσ ἄλλοισι Καδμείοισ, ὅσοισ τάδ’ ἔστ’ ἀρέσκονθ’, ἥ τε σύμμαχοσ Δίκη χοἰ πάντεσ εὖ ξυνεῖεν εἰσαεὶ θεοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus Tyrannus, episode 1:

(소포클레스, 오이디푸스 튀란노스, episode 1:)

상위

목록

SEARCH

MENU NAVIGATION