헬라어 문장 검색 - Σοπηοξ́Οεδιπυσ

(소포클레스, 오이디푸스 튀란노스, episode 2:)

ἀλλ’ ὦ κρατύνων Οἰδίπουσ χώρασ ἐμῆσ, ὁρᾷσ μὲν ἡμᾶσ ἡλίκοι προσήμεθα βωμοῖσι τοῖσ σοῖσ· οἱ μὲν οὐδέπω μακρὰν πτέσθαι σθένοντεσ, οἱ δὲ σὺν γήρᾳ βαρεῖσ, ἱερῆσ, ἐγὼ μὲν Ζηνόσ, οἵδε τ’ ᾐθέων λεκτοί· τὸ δ’ ἄλλο φῦλον ἐξεστεμμένον ἀγοραῖσι θακεῖ πρόσ τε Παλλάδοσ διπλοῖσ ναοῖσ, ἐπ’ Ἰσμηνοῦ τε μαντείᾳ σποδῷ. πόλισ γάρ, ὥσπερ καὐτὸσ εἰσορᾷσ, ἄγαν ἤδη σαλεύει κἀνακουφίσαι κάρα βυθῶν ἔτ’ οὐχ οἱά τε φοινίου σάλου, φθίνουσα μὲν κάλυξιν ἐγκάρποισ χθονόσ, φθίνουσα δ’ ἀγέλαισ βουνόμοισ τόκοισί τε ἀγόνοισ γυναικῶν· ἐν δ’ ὁ πυρφόροσ θεὸσ σκήψασ ἐλαύνει, λοιμὸσ ἔχθιστοσ, πόλιν, ὑφ’ οὗ κενοῦται δῶμα Καδμεῖον, μέλασ δ’ Αἵδησ στεναγμοῖσ καὶ γόοισ πλουτίζεται. θεοῖσι μέν νυν οὐκ ἰσούμενόν σ’ ἐγὼ οὐδ’ οἵδε παῖδεσ ἑζόμεσθ’ ἐφέστιοι, ἀνδρῶν δὲ πρῶτον ἔν τε συμφοραῖσ βίου κρίνοντεσ ἔν τε δαιμόνων συναλλαγαῖσ· ὅσ γ’ ἐξέλυσασ ἄστυ Καδμεῖον μολὼν σκληρᾶσ ἀοιδοῦ δασμὸν ὃν παρείχομεν, καὶ ταῦθ’ ὑφ’ ἡμῶν οὐδὲν ἐξειδὼσ πλέον οὐδ’ ἐκδιδαχθείσ, ἀλλὰ προσθήκῃ θεοῦ λέγει νομίζει θ’ ἡμὶν ὀρθῶσαι βίον· νῦν τ’, ὦ κράτιστον πᾶσιν Οἰδίπου κάρα, ἱκετεύομέν σε πάντεσ οἵδε πρόστροποι ἀλκήν τιν’ εὑρεῖν ἡμίν, εἴτε του θεῶν φήμην ἀκούσασ εἴτ’ ἀπ’ ἀνδρὸσ οἶσθά του· ὡσ τοῖσιν ἐμπείροισι καὶ τὰσ ξυμφορὰσ ζώσασ ὁρῶ μάλιστα τῶν βουλευμάτων. ἴθ’, ὦ βροτῶν ἄριστ’, ἀνόρθωσον πόλιν, ἴθ’, εὐλαβήθηθ’· ὡσ σὲ νῦν μὲν ἥδε γῆ σωτῆρα κλῄζει τῆσ πάροσ προθυμίασ· ἀρχῆσ δὲ τῆσ σῆσ μηδαμῶσ μεμνώμεθα στάντεσ τ’ ἐσ ὀρθὸν καὶ πεσόντεσ ὕστερον. ἀλλ’ ἀσφαλείᾳ τήνδ’ ἀνόρθωσον πόλιν· ὄρνιθι γὰρ καὶ τὴν τότ’ αἰσίῳ τύχην παρέσχεσ ἡμῖν, καὶ τανῦν ἴσοσ γενοῦ. ὡσ εἴπερ ἄρξεισ τῆσδε γῆσ, ὥσπερ κρατεῖσ, ξὺν ἀνδράσιν κάλλιον ἢ κενῆσ κρατεῖν· ὡσ οὐδέν ἐστιν οὔτε πύργοσ οὔτε ναῦσ ἔρημοσ ἀνδρῶν μὴ ξυνοικούντων ἔσω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus Tyrannus, episode 2:

(소포클레스, 오이디푸스 튀란노스, episode 2:)

상위

목록

SEARCH

MENU NAVIGATION