헬라어 문장 검색 - Σοπηοξ́Οεδιπυσ́11́0́1́

(소포클레스, Oedipus at Colonus, episode 1:)

ἀλλ’ ἐξερῶ· καλῶσ γὰρ ἐξηγεῖ σύ μοι· πρῶτον μὲν αὐτὸν τὸν θεὸν ποιούμενοσ ἀρωγόν, ἔνθεν μ’ ὧδ’ ἀνέστησεν μολεῖν ὁ τῆσδε τῆσ γῆσ κοίρανοσ, διδοὺσ ἐμοὶ λέξαι τ’ ἀκοῦσαί τ’ ἀσφαλεῖ σὺν ἐξόδῳ. καὶ ταῦτ’ ἀφ’ ὑμῶν, ὧ ξένοι, βουλήσομαι καὶ ταῖνδ’ ἀδελφαῖν καὶ πατρὸσ κυρεῖν ἐμοί. ἃ δ’ ἦλθον, ἤδη σοι θέλω λέξαι, πάτερ. γῆσ ἐκ πατρῴασ ἐξελήλαμαι φυγάσ, τοῖσ σοῖσ πανάρχοισ οὕνεκ’ ἐνθακεῖν θρόνοισ γονῇ πεφυκὼσ ἠξίουν γεραίτεροσ. ἀνθ’ ὧν μ’ Ἐτεοκλῆσ, ὢν φύσει νεώτεροσ, γῆσ ἐξέωσεν, οὔτε νικήσασ λόγῳ οὔτ’ εἰσ ἔλεγχον χειρὸσ οὐδ’ ἔργου μολών, πόλιν δὲ πείσασ. ὧν ἐγὼ μάλιστα μὲν τὴν σὴν ἐρινὺν αἰτίαν εἶναι λέγω. ἔπειτα κἀπὸ μάντεων ταύτῃ κλύω. ἐπεὶ γὰρ ἦλθον Ἄργοσ ἐσ τὸ Δωρικόν, λαβὼν Ἄδραστον πενθερόν, ξυνωμότασ ἔστησ’ ἐμαυτῷ γῆσ ὅσοιπερ Ἀπίασ πρῶτοι καλοῦνται καὶ τετίμηνται δόρει, ὅπωσ τὸν ἑπτάλογχον ἐσ Θήβασ στόλον ξὺν τοῖσδ’ ἀγείρασ ἢ θάνοιμι πανδίκωσ ἢ τοὺσ τάδ’ ἐκπράξαντασ ἐκβάλοιμι γῆσ. εἰε͂ν· τί δῆτα νῦν ἀφιγμένοσ κυρῶ; σοὶ προστροπαίουσ, ὦ πάτερ, λιτὰσ ἔχων αὐτόσ τ’ ἐμαυτοῦ ξυμμάχων τε τῶν ἐμῶν, οἳ νῦν σὺν ἑπτὰ τάξεσιν σὺν ἑπτά τε λόγχαισ τὸ Θήβησ πέδιον ἀμφεστᾶσι πᾶν· οἱο͂σ δορυσσοῦσ Ἀμφιάρεωσ, τὰ πρῶτα μὲν δόρει κρατύνων, πρῶτα δ’ οἰωνῶν ὁδοῖσ· ὁ δεύτεροσ δ’ Αἰτωλὸσ Οἰνέωσ τόκοσ Τυδεύσ. τρίτοσ δ’ Ἐτέοκλοσ, Ἀργεῖοσ γεγώσ· τέταρτον Ἱππομέδοντ’ ἀπέστειλεν πατὴρ Ταλαόσ· ὁ πέμπτοσ δ’ εὔχεται κατασκαφῇ Καπανεὺσ τὸ Θήβησ ἄστυ δῃώσειν πυρί· ἕκτοσ δὲ Παρθενοπαῖοσ Ἀρκὰσ ὄρνυται, ἐπώνυμοσ τῆσ πρόσθεν ἀδμήτησ χρόνῳ μητρὸσ λοχευθείσ, πιστὸσ Ἀταλάντησ γόνοσ· ἐγὼ δὲ σόσ, κεἰ μὴ σόσ, ἀλλὰ τοῦ κακοῦ πότμου φυτευθείσ, σόσ γέ τοι καλούμενοσ, ἄγω τὸν Ἄργουσ ἄφοβον ἐσ Θήβασ στρατόν. οἵ σ’ ἀντὶ παίδων τῶνδε καὶ ψυχῆσ, πάτερ, ἱκετεύομεν ξύμπαντεσ ἐξαιτούμενοι μῆνιν βαρεῖαν εἰκαθεῖν ὁρμωμένῳ τῷδ’ ἀνδρὶ τοὐμοῦ πρὸσ κασιγνήτου τίσιν, ὅσ μ’ ἐξέωσε κἀπεσύλησεν πάτρασ. εἰ γάρ τι πιστόν ἐστιν ἐκ χρηστηρίων, οἷσ ἂν σὺ προσθῇ, τοῖσδ’ ἔφασκ’ εἶναι κράτοσ. πρὸσ νῦν σε κρηνῶν καὶ θεῶν ὁμογνίων αἰτῶ πιθέσθαι καὶ παρεικαθεῖν, ἐπεὶ πτωχοὶ μὲν ἡμεῖσ καὶ ξένοι, ξένοσ δὲ σύ. ἄλλουσ δὲ θωπεύοντεσ οἰκοῦμεν σύ τε κἀγώ, τὸν αὐτὸν δαίμον’ ἐξειληχότεσ. ὁ δ’ ἐν δόμοισ τύραννοσ, ὦ τάλασ ἐγώ, κοινῇ καθ’ ἡμῶν ἐγγελῶν ἁβρύνεται· ὅν, εἰ σὺ τἠμῇ ξυμπαραστήσει φρενί, βραχεῖ σὺν ὄγκῳ καὶ χρόνῳ διασκεδῶ. ὥστ’ ἐν δόμοισι τοῖσι σοῖσ στήσω σ’ ἄγων. στήσω δ’ ἐμαυτόν, κεῖνον ἐκβαλὼν βίᾳ. καὶ ταῦτα σοῦ μὲν ξυνθέλοντοσ ἔστι μοι κομπεῖν, ἄνευ σοῦ δ’ οὐδὲ σωθῆναι σθένω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus at Colonus, episode 1:

(소포클레스, Oedipus at Colonus, episode 1:)

상위

목록

SEARCH

MENU NAVIGATION