Sophocles, Oedipus at Colonus, episode 1:

(소포클레스, Oedipus at Colonus, episode 1:)

ὦ πάντα τολμῶν κἀπὸ παντὸσ ἂν φέρων λόγου δικαίου μηχάνημα ποικίλον, τί ταῦτα πειρᾷ κἀμὲ δεύτερον θέλεισ ἑλεῖν ἐν οἷσ μάλιστ’ ἂν ἀλγοίην ἁλούσ; πρόσθεν τε γάρ με τοῖσιν οἰκείοισ κακοῖσ νοσοῦνθ’, ὅτ’ ἦν μοι τέρψισ ἐκπεσεῖν χθονόσ, οὐκ ἤθελεσ θέλοντι προσθέσθαι χάριν· ἀλλ’ ἡνίκ’ ἤδη μεστὸσ ἦ θυμούμενοσ καὶ τοὐν δόμοισιν ἦν διαιτᾶσθαι γλυκύ, τότ’ ἐξεώθεισ κἀξέβαλλεσ, οὐδέ σοι τὸ συγγενὲσ τοῦτ’ οὐδαμῶσ τότ’ ἦν φίλον· νῦν τ’ αὖθισ ἡνίκ’ εἰσορᾷσ πόλιν τέ μοι ξυνοῦσαν εὔνουν τήνδε καὶ γένοσ τὸ πᾶν, πειρᾷ μετασπᾶν, σκληρὰ μαλθακῶσ λέγων. καίτοι τίσ αὕτη τέρψισ ἄκοντασ φιλεῖν; ὥσπερ τισ εἴ σοι λιπαροῦντι μὲν τυχεῖν μηδὲν διδοίη μηδ’ ἐπαρκέσαι θέλοι, πλήρη δ’ ἔχοντι θυμὸν ὧν χρῄζοισ, τότε δωροῖθ’, ὅτ’ οὐδὲν ἡ χάρισ χάριν φέροι· ἆρ’ ἂν ματαίου τῆσδ’ ἂν ἡδονῆσ τύχοισ; τοιαῦτα μέντοι καὶ σὺ προσφέρεισ ἐμοί, λόγῳ μὲν ἐσθλά. τοῖσι δ’ ἔργοισιν κακά. φράσω δὲ καὶ τοῖσδ’, ὥσ σε δηλώσω κακόν. ἥκεισ ἔμ’ ἄξων, οὐχ’ ἵν’ ἐσ δόμουσ ἄγῃσ, ἀλλ’ ὡσ πάραυλον οἰκίσῃσ, πόλισ δέ σοι κακῶν ἄνατοσ τῆσδ’ ἀπαλλαχθῇ χθονόσ. οὐκ ἔστι σοι ταῦτ’, ἀλλά σοι τάδ’ ἔστ’, ἐκεῖ χώρασ ἀλάστωρ οὑμὸσ ἐνναίων ἀεί· ἔστιν δὲ παισὶ τοῖσ ἐμοῖσι τῆσ ἐμῆσ χθονὸσ λαχεῖν τοσοῦτον, ἐνθανεῖν μόνον. ἆρ’ οὐκ ἄμεινον ἢ σὺ τἀν Θήβαισ φρονῶ; πολλῷ γ’, ὅσῳπερ κἀκ σαφεστέρων κλύω, Φοίβου τε καὐτοῦ Ζηνόσ, ὃσ κείνου πατήρ. τὸ σὸν δ’ ἀφῖκται δεῦρ’ ὑπόβλητον στόμα, πολλὴν ἔχον στόμωσιν· ἐν δὲ τῷ λέγειν κάκ’ ἂν λάβοισ τὰ πλείον’ ἢ σωτήρια. ἀλλ’ οἶδα γάρ σε ταῦτα μὴ τείθων, ἴθι· ἡμᾶσ δ’ ἐά ζῆν ἐνθάδ’· οὐ γὰρ ἂν κακῶσ οὐδ’ ὧδ’ ἔχοντεσ ζῷμεν, εἰ τερποίμεθα.

일치하는 문장이 없습니다.

SEARCH

MENU NAVIGATION