헬라어 문장 검색 - Σοπηοξ́Οεδιπυσ́05́0́2́

(소포클레스, Oedipus at Colonus, episode 2:)

ὦ φίλτατ’ Αἰγέωσ παῖ, μόνοισ οὐ γίγνεται θεοῖσι γῆρασ οὐδὲ κατθανεῖν ποτε. τὰ δ’ ἄλλα συγχεῖ πάνθ’ ὁ παγκρατὴσ χρόνοσ. φθίνει μὲν ἰσχὺσ γῆσ, φθίνει δὲ σώματοσ, θνῄσκει δὲ πίστισ, βλαστάνει δ’ ἀπιστία, καὶ πνεῦμα ταὐτὸν οὔποτ’ οὔτ’ ἐν ἀνδράσιν φίλοισ βέβηκεν οὔτε πρὸσ πόλιν πόλει. τοῖσ μὲν γὰρ ἤδη, τοῖσ δ’ ἐν ὑστέρῳ χρόνῳ τὰ τερπνὰ πικρὰ γίγνεται καὖθισ φίλα. καὶ ταῖσι Θήβαισ εἰ τανῦν εὐημερεῖ καλῶσ τὰ πρὸσ σέ, μυρίασ ὁ μυρίοσ χρόνοσ τεκνοῦται νύκτασ ἡμέρασ τ’ ἰών, ἐν αἷσ τὰ νῦν ξύμφωνα δεξιώματα δόρει διασκεδῶσιν ἐκ σμικροῦ λόγου· ἵν’ οὑμὸσ εὕδων καὶ κεκρυμμένοσ νέκυσ ψυχρόσ ποτ’ αὐτῶν θερμὸν αἷμα πίεται, εἰ Ζεὺσ ἔτι Ζεὺσ χὠ Διὸσ Φοῖβοσ σαφήσ. ἀλλ’ οὐ γὰρ αὐδᾶν ἡδὺ τἀκίνητ’ ἔπη, ἐά μ’ ἐν οἷσιν ἠρξάμην, τὸ σὸν μόνον πιστὸν φυλάσσων, κοὔποτ’ Οἰδίπουν ἐρεῖσ ἀχρεῖον οἰκητῆρα δέξασθαι τόπων τῶν ἐνθάδ’, εἴπερ μὴ θεοὶ ψεύσουσί με. ἄναξ, πάλαι καὶ ταῦτα καὶ τοιαῦτ’ ἔπη γῇ τῇδ’ ὅδ’ ἁνὴρ ὡσ τελῶν ἐφαίνετο. τίσ δῆτ’ ἂν ἀνδρὸσ εὐμένειαν ἐκβάλοι τοιοῦδ’, ὅτῳ πρῶτον μὲν ἡ δορύξενοσ κοινή παρ’ ἡμῖν αἰέν ἐστιν ἑστία; ἔπειτα δ’ ἱκέτησ δαιμόνων ἀφιγμένοσ γῇ τῇδε κἀμοὶ δασμὸν οὐ σμικρὸν τίνει. ἁγὼ σεβισθεὶσ οὔποτ’ ἐκβαλῶ χάριν τὴν τοῦδε, χώρᾳ δ’ ἔμπολιν κατοικιῶ. εἰ δ’ ἐνθάδ’ ἡδὺ τῷ ξένῳ μίμνειν, σέ νιν τάξω φυλάσσειν, εἴτ’ ἐμοῦ στείχειν μέτα, τόδ’ ἡδύ, τούτων, Οἰδίπουσ, δίδωμί σοι κρίναντι χρῆσθαι· τῇδε γὰρ ξυνοίσομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus at Colonus, episode 2:

(소포클레스, Oedipus at Colonus, episode 2:)

상위

목록

SEARCH

MENU NAVIGATION