Sophocles, episode 4:

(소포클레스, episode 4:)

ἐν τοῖσ τοιούτοισ ἐστὶν ἡ προμηθία καὶ τῷ λέγοντι καὶ κλύοντι σύμμαχοσ. καὶ πρίν γε φωνεῖν, ὦ γυναῖκεσ, εἰ φρενῶν ἐτύγχαν’ αὕτη μὴ κακῶν, ἐσῴζετ’ ἂν τὴν εὐλάβειαν, ὥσπερ οὐχὶ σῴζεται. ποῖ γάρ ποτ’ ἐμβλέψασα τοιοῦτον θράσοσ αὐτή θ’ ὁπλίζει κἄμ’ ὑπηρετεῖν καλεῖσ; οὐκ εἰσορᾷσ; γυνὴ μὲν οὐδ’ ἀνὴρ ἔφυσ, σθένεισ δ’ ἔλασσον τῶν ἐναντίων χερί. δαίμων δὲ τοῖσ μὲν εὐτυχεῖ καθ’ ἡμέραν, ἡμῖν δ’ ἀπορρεῖ κἀπὶ μηδὲν ἔρχεται. τίσ οὖν τοιοῦτον ἄνδρα βουλεύων ἑλεῖν ἄλυποσ ἄτησ ἐξαπαλλαχθήσεται; ὁρ́α κακῶσ πράσσοντε μὴ μείζω κακὰ κτησώμεθ’, εἴ τισ τούσδ’ ἀκούσεται λόγουσ. λύει γὰρ ἡμῖν οὐδὲν οὐδ’ ἐπωφελεῖ βάξιν καλὴν λαβόντε δυσκλεῶσ θανεῖν. οὐ γὰρ θανεῖν ἔχθιστον, ἀλλ’ ὅταν θανεῖν χρῄζων τισ εἶτα μηδὲ τοῦτ’ ἔχῃ λαβεῖν. ἀλλ’ ἀντιάζω, πρὶν πανωλέθρουσ τὸ πᾶν ἡμᾶσ τ’ ὀλέσθαι κἀξερημῶσαι γένοσ, κατάσχεσ ὀργήν. καὶ τὰ μὲν λελεγμένα ἄρρητ’ ἐγώ σοι κἀτελῆ φυλάξομαι, αὐτὴ δὲ νοῦν σχὲσ ἀλλὰ τῷ χρόνῳ ποτέ, σθένουσα μηδὲν τοῖσ κρατοῦσιν εἰκαθεῖν.

일치하는 문장이 없습니다.

SEARCH

MENU NAVIGATION