Sophocles, episode 6:

(소포클레스, episode 6:)

κἀπεμπόμην πρὸσ ταῦτα καὶ τὸ πᾶν φράσω. κεῖνοσ γὰρ ἐλθὼν εἰσ τὸ κλεινὸν Ἑλλάδοσ πρόσχημ’ ἀγῶνοσ Δελφικῶν ἄθλων χάριν, ὅτ’ ᾔσθετ’ ἀνδρὸσ ὀρθίων κηρυγμάτων δρόμον προκηρύξαντοσ, οὗ πρώτη κρίσισ, εἰσῆλθε λαμπρόσ, πᾶσι τοῖσ ἐκεῖ σέβασ· δρόμου δ’ ἰσώσασ τἀφέσει τὰ τέρματα νίκησ ἔχων ἐξῆλθε πάντιμον γέρασ. χὤπωσ μὲν ἐν πολλοῖσι παῦρά σοι λέγω οὐκ οἶδα τοιοῦδ’ ἀνδρὸσ ἔργα καὶ κράτη· ἓν δ’ ἴσθ’· ὅσων γὰρ εἰσεκήρυξαν βραβῆσ δρόμων διαύλων πένταθλ’ ἃ νομίζεται, τούτων ἐνεγκὼν πάντα τἀπινίκια ὠλβίζετ’, Ἀργεῖοσ μὲν ἀνακαλούμενοσ, ὄνομα δ’ Ὀρέστησ, τοῦ τὸ κλεινὸν Ἑλλάδοσ Ἀγαμέμνονοσ στράτευμ’ ἀγείραντόσ ποτε. καὶ ταῦτα μὲν τοιαῦθ’· ὅταν δέ τισ θεῶν βλάπτῃ, δύναιτ’ ἂν οὐδ’ ἂν ἰσχύων φυγεῖν. κεῖνοσ γὰρ ἄλλησ ἡμέρασ, ὅθ’ ἱππικῶν ἦν ἡλίου τέλλοντοσ ὠκύπουσ ἀγών, εἰσῆλθε πολλῶν ἁρματηλατῶν μέτα. εἷσ ἦν Ἀχαιόσ, εἷσ ἀπὸ Σπάρτησ, δύο Λίβυεσ ζυγωτῶν ἁρμάτων ἐπιστάται· κἀκεῖνοσ ἐν τούτοισι, Θεσσαλὰσ ἔχων ἵππουσ, ὁ πέμπτοσ· ἕκτοσ ἐξ Αἰτωλίασ ξανθαῖσι πώλοισ· ἕβδομοσ Μάγνησ ἀνήρ· ὁ δ’ ὄγδοοσ λεύκιπποσ, Αἰνιὰν γένοσ· ἔνατοσ Ἀθηνῶν τῶν θεοδμήτων ἄπο· Βοιωτὸσ ἄλλοσ, δέκατον ἐκπληρῶν ὄχον. στάντεσ δ’ ἵν’ αὐτοὺσ οἱ τεταγμένοι βραβῆσ κλήροισ ἔπηλαν καὶ κατέστησαν δίφρουσ, χαλκῆσ ὑπαὶ σάλπιγγοσ ᾖξαν· οἱ δ’ ἅμα ἵπποισ ὁμοκλήσαντεσ ἡνίασ χεροῖν ἔσεισαν· ἐν δὲ πᾶσ ἐμεστώθη δρόμοσ κτύπου κροτητῶν ἁρμάτων· κόνισ δ’ ἄνω φορεῖθ’· ὁμοῦ δὲ πάντεσ ἀναμεμιγμένοι φείδοντο κέντρων οὐδέν, ὡσ ὑπερβάλοι χνόασ τισ αὐτῶν καὶ φρυάγμαθ’ ἱππικά. ὁμοῦ γὰρ ἀμφὶ νῶτα καὶ τροχῶν βάσεισ ἤφριζον, εἰσέβαλλον ἱππικαὶ πνοαί. κεῖνοσ δ’ ὑπ’ αὐτὴν ἐσχάτην στήλην ἔχων ἔχριμπτ’ ἀεὶ σύριγγα, δεξιὸν δ’ ἀνεὶσ σειραῖον ἵππον εἶργε τὸν προσκείμενον. καὶ πρὶν μὲν ὀρθοὶ πάντεσ ἕστασαν δίφροι· ἔπειτα δ’ Αἰνιᾶνοσ ἀνδρὸσ ἄστομοι πῶλοι βίᾳ φέρουσιν· ἐκ δ’ ὑποστροφῆσ τελοῦντεσ ἕκτον ἕβδομόν τ’ ἤδη δρόμον μέτωπα συμπαίουσι Βαρκαίοισ ὄχοισ· κἀντεῦθεν ἄλλοσ ἄλλον ἐξ ἑνὸσ κακοῦ ἔθραυε κἀνέπιπτε, πᾶν δ’ ἐπίμπλατο ναυαγίων Κρισαῖον ἱππικῶν πέδον.

일치하는 문장이 없습니다.

SEARCH

MENU NAVIGATION