호흡부호 보기
강세부호 보기
장단부호 보기
작은 Iota 보기
모든 부호 보기
"τριῶν δ’ ὄντων γενῶν, εἰσ ἃ διαιρεῖται τὸ ἡρμοσμένον, ἴσων τοῖσ τε τῶν συστημάτων μεγέθεσι καὶ ταῖσ τῶν φθόγγων δυνάμεσιν, ὁμοίωσ δὲ καὶ ταῖσ τῶν τετραχόρδων, περὶ ἑνὸσ μόνου οἱ παλαιοὶ ἐπραγματεύσαντο· "ἐπειδήπερ οὔτε περὶ χρώματοσ οὔτε περὶ διατόνου οἱ πρὸ ἡμῶν ἐπεσκόπουν, ἀλλὰ περὶ μόνου τοῦ ἐναρμονίου, καὶ αὖ τούτου περὶ ἓν τι μέγεθοσ συστήματοσ, τοῦ καλουμένου διὰ πασῶν· "περὶ μὲν γὰρ τῆσ χρόασ διεφέροντο, περὶ δὲ τοῦ μίαν εἶναι αὐτὴν τὴν ἁρμονίαν σχεδὸν πάντεσ συνεφώνουν. "οὐκ ἂν οὖν ποτε συνίδοι τὰ περὶ τὴν ἁρμονικὴν πραγματείαν ὁ μέχρι αὐτῆσ τῆσ γνώσεωσ ταύτησ προεληλυθώσ, ἀλλὰ δηλονότι παρακολουθῶν ταῖσ τε κατὰ μέροσ ἐπιστήμαισ καὶ τῷ συνόλῳ σώματι τῆσ μουσικῆσ καὶ ταῖσ τῶν μερῶν μίξεσί τε καὶ συνθέσεσιν, ὁ γὰρ μόνον ἁρμονικὸσ περιγέγραπται τρόπῳ τινί. καθόλου μὲν οὖν εἰπεῖν, ὁμοδρομεῖν δεῖ τὴν τ’ αἴσθησιν καὶ τὴν διάνοιαν ἐν τῇ κρίσει τῶν τῆσ μουσικῆσ μερῶν καὶ μήτε προάγειν, ὃ ποιοῦσιν αἱ προπετεῖσ τε καὶ φερόμεναι τῶν αἰσθήσεων, μήθ’ ὑστερίζειν, ὃ ποιοῦσιν αἱ βραδεῖαὶ τε καὶ δυσκίνητοι. "γίγνεται δὲ ποτ’ ἐπί τινων αἰσθήσεων καὶ τὸ συγκείμενον ἐκ τοῦ συναμφοτέρου καὶ ὑστεροῦσιν αἱ αὐταὶ καὶ προτεροῦσι διά τινα φυσικὴν ἀνωμαλίαν. "περιαιρετέον οὖν τῆσ μελλούσησ ὁμοδρομεῖν αἰσθήσεωσ ταῦτα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기