Pseudo-Plutarch, De musica, section 23

(위 플루타르코스, De musica, section 23)

"ὅτι δὲ σεμνὴ ἡ ἁρμονία καὶ θεῖόν τι καὶ μέγα, Ἀριστοτέλησ ὁ Πλάτωνοσ ταυτὶ λέγει· "ἡ δ’ ἁρμονία ἐστὶν οὐρανία, τὴν φύσιν ἔχουσα θείαν καὶ καλὴν καὶ δαιμονίαν τετραμερὴσ δὲ τῇ δυνάμει πεφυκυῖα δύο μεσότητασ ἔχει, ἀριθμητικήν τε καὶ ἁρμονικὴν φαίνεταί τε τὰ μέρη αὐτῆσ καὶ τὰ μεγέθη καὶ αἱ ὑπεροχαὶ κατ’ ἀριθμὸν καὶ ἰσομετρίαν· "ἐν γὰρ δυσὶ τετραχόρδοισ ῥυθμίζεται τὰ μέλη. "ταῦτα μὲν τὰ ῥητά. συνεστάναι δ’ αὐτῆσ τὸ σῶμα ἔλεγεν ἐκ μερῶν ἀνομοίων, συμφωνούντων μέντοι πρὸσ ἄλληλα· "ἀλλὰ μὴν καὶ τὰσ μεσότητασ αὐτῆσ κατὰ τὸν ἀριθμητικὸν λόγον συμφωνεῖν. τὸν γὰρ νέατον πρὸσ τὸν ὕπατον ἐκ διπλασίου λόγου ἡρμοσμένον τὴν διὰ πασῶν συμφωνίαν ἀποτελεῖν. ἔχει γάρ, ὡσ προείπομεν, τὸν νέατον δώδεκα μονάδων τὸν δ’ ὕπατον ἕξ τὴν δὲ παραμέσην συμφωνοῦσαν πρὸσ ὑπάτην καθ’ ἡμιόλιον λόγον ἐννέα μονάδων· "τῆσ δὲ μέσησ ὀκτὼ εἶναι μονάδασ ἐλέγομεν. "συγκεῖσθαι δὲ διὰ τούτων τῆσ μουσικῆσ τὰ κυριώτατα διαστήματα συμβαίνει, τό τε διὰ τεσσάρων ὅ ἐστι κατὰ τὸν ἐπίτριτον λόγον, καὶ τὸ διὰ πέντε ὅ ἐστι κατὰ τὸν ἡμιόλιον λόγον, καὶ τὸ διὰ πασῶν ὅ ἐστι κατὰ τὸν διπλάσιον· "ἀλλὰ γὰρ καὶ τὸν ἐπόγδοον σῴζεσθαι, ὅσ ἐστι κατὰ τὸν τονιαῖον λόγον. "ταῖσ αὐταῖσ δ’ ὑπεροχαῖσ ὑπερέχειν καὶ ὑπερέχεσθαι τῆσ ἁρμονίασ τὰ μέρη ὑπὸ τῶν μερῶν καὶ τὰσ μεσότητασ ὑπὸ τῶν μεσοτήτων κατά τε τὴν ἐν ἀριθμοῖσ ὑπεροχὴν καὶ κατὰ τὴν γεωμετρικὴν δύναμιν συμβαίνει. "ἀποφαίνει γοῦν αὐτὰσ Ἀριστοτέλησ τὰσ δυνάμεισ ἐχούσασ τοιαύτασ, τὴν μὲν νεάτην τῆσ μέσησ τῷ τρίτῳ μέρει τῷ αὑτῆσ ὑπερέχουσαν, τὴν δ’ ὑπάτην ὑπὸ τῆσ παραμέσησ ὑπερεχομένην ὁμοίωσ· "ὡσ γίγνεσθαι τὰσ ὑπεροχὰσ τῶν πρόσ τι· "τοῖσ γὰρ αὐτοῖσ μέρεσιν ὑπερέχουσι καὶ ὑπερέχονται· "τοῖσ γοῦν αὐτοῖσ λόγοισ οἱ ἄκροι τῆσ μέσησ καὶ παραμέσησ ὑπερέχουσι καὶ ὑπερέχονται, ἐπιτρίτῳ καὶ ἡμιολίῳ. τοιαύτη δὴ ὑπεροχή ἐστιν ἡ ἁρμονική. ἡ δὲ τῆσ νεάτησ ὑπεροχὴ καὶ τῆσ μέσησ κατ’ ἀριθμητικὸν λόγον ἴσῳ μέρει τὰσ ὑπεροχὰσ ἐμφαίνουσιν, ὡσαύτωσ καὶ ἡ παραμέση τῆσ ὑπάτησ· "τῆσ γὰρ μέσησ ἡ παραμέση κατὰ τὸν ἐπόγδοον λόγον ὑπερέχει, πάλιν ἡ νεάτη τῆσ ὑπάτησ διπλασία ἐστίν ἡ δὲ παραμέση τῆσ ὑπάτησ ἡμιόλιοσ, ἡ δὲ μέση ἐπίτριτοσ πρὸσ ὑπάτην ἡρ́μοσται. "καὶ τοῖσ μὲν μέρεσι καὶ τοῖσ πλήθεσι καὶ κατ’ Ἀριστοτέλην ἡ ἁρμονία οὕτωσ ἔχουσα πέφυκε.

일치하는 문장이 없습니다.

SEARCH

MENU NAVIGATION