Pseudo-Plutarch, De musica, section 12

(위 플루타르코스, De musica, section 12)

"ἔστι δέ τισ καὶ περὶ τῶν ῥυθμῶν λόγοσ· "γένη γάρ τινα καὶ εἴδη ῥυθμῶν προσεξευρέθη, ἀλλὰ μὴν καὶ μελοποιιῶν τε καὶ ῥυθμοποιιῶν. προτέρα μὲν γὰρ ἡ Τερπάνδρου καινοτομία καλόν τινα τρόπον εἰσ τὴν μουσικὴν εἰσήγαγε· "πολύμνηστοσ δὲ μετὰ τὸν Τερπάνδρειον τρόπον, ᾧ καὶ ἐχρήσατο, καὶ αὐτὸσ, μέντοι ἐχόμενοσ τοῦ καλοῦ τύπου, ὡσαύτωσ δὲ καὶ Θαλήτασ καὶ Σακάδασ· "καὶ γὰρ οὗτοι κατά γε τὰσ ῥυθμοποιίασ ἱκανοί, οὐκ ἐκβαίνοντεσ; "μέντοι τοῦ καλοῦ τύπου. "ἔστι δέ τισ Ἀλκμανικὴ καινοτομία καὶ Στησιχόρειοσ, καὶ αὐταὶ οὐκ ἀφεστῶσαι τοῦ καλοῦ. Κρέξοσ δὲ καὶ Τιμόθεοσ καὶ Φιλόξενοσ καὶ οἱ κατ’ αὐτοὺσ τὴν ἡλικίαν γεγονότεσ ποιηταὶ φορτικώτεροι καὶ φιλόκαινοι γεγόνασι, τὸν φιλάνθρωπον καὶ θεματικὸν νῦν ὀνομαζόμενον τρόπον διώξαντεσ· "τὴν γὰρ ὀλιγοχορδίαν καὶ τὴν ἁπλότητα καὶ σεμνότητα τῆσ μουσικῆσ παντελῶσ ἀρχαϊκὴν εἶναι συμβέβηκεν.

일치하는 문장이 없습니다.

SEARCH

MENU NAVIGATION