헬라어 문장 검색 - ΠολψβίΗιστορί38́007́

(폴리비오스, Histories, book 38, ii. bellum punicum tertium)

Ὅτι Ἀσδρούβασ ὁ στρατηγὸσ Καρχηδονίων κενόδοξοσ ἦν ἀλαζὼν καὶ πολὺ κεχωρισμένοσ τῆσ πραγματικῆσ καὶ στρατηγικῆσ δυνάμεωσ. πολλὰ δὲ σημεῖα τῆσ ἀκρισίασ αὐτοῦ.

πρῶτον μὲν γὰρ παρῆν ἐν πανοπλίᾳ, πορφυρίδα θαλαττίαν ἐπιπεπορπημένοσ, ἡνίκα Γολόσσῃ συνεγίνετο τῷ τῶν Νομάδων βασιλεῖ, μετὰ μαχαιροφόρων δέκα. ἔπειτα προβὰσ ἀπὸ τῶν δέχ’ ὅσον εἴκοσι πόδασ ἀπέστη, προβεβλημένοσ τάφρον καὶ χάρακα, καὶ κατένευε τῷ βασιλεῖ προσιέναι πρὸσ αὑτόν, καθῆκον γίνεσθαι τοὐναντίον.

οὐ μὴν ἀλλ’ ὁ Γολόσσησ ἀφελῶσ ἔχων Νομαδικῷ τινι τρόπῳ μόνοσ προσῄει πρὸσ αὐτόν·

καὶ προσεγγίσασ ἤρετο τίνα φοβούμενοσ τὴν πανοπλίαν ἔχων ἧκε. τοῦ δ’ εἰπόντοσ ὅτι Ῥωμαίουσ, "Οὐκ ἂν ἄρ’" ἔφησεν ὁ Γολόσσησ "ἔδωκασ σαυτὸν εἰσ τὴν πόλιν, μηδεμίαν ἔχων ἀνάγκην.

πλὴν τί βούλει καὶ τί παρακαλεῖσ; φησίν. ὁ δ’ Ἀσδρούβασ " Ἐγώ" φησὶ "πρεσβευτήν σε παρακαλῶ γενέσθαι πρὸσ τὸν στρατηγὸν καὶ πᾶν ἀναδέχεσθαι διότι ποιήσομεν τὸ προσταττόμενον· μόνον ἀπόσχεσθε τῆσ ταλαιπώρου πόλεωσ ταύτησ.

" καὶ [ὁ] Γολόσσησ "Παιδικὴν δοκεῖσ μοι" φησὶν "ἀξίωσιν ἀξιοῦν, ὦ βέλτιστε·

ὑπὲρ ὧν γὰρ ἐξ ἀκεραίου πρεσβεύοντεσ, ἔτι καθημένων ἐν Ἰτύκῃ Ῥωμαίων, οὐκ ἐδύνασθε πείθειν, τίνι λόγῳ νῦν ἀξιοῖσ ταῦτά σοι συγχωρεῖσθαι, περιτετειχισμένοσ καὶ κατὰ γῆν καὶ κατὰ θάλατταν καὶ σχεδὸν ἁπάσασ ἀπεγνωκὼσ τὰσ τῆσ σωτηρίασ ἐλπίδασ;

" ὁ δ’ Ἀσδρούβασ ἀγνοεῖν αὐτὸν ἔφη·

καὶ γὰρ ἐπὶ τοῖσ ἔξωθεν συμμάχοισ ἀκμὴν καλὰσ ἐλπίδασ ἔχειν· οὐ γάρ πω τὰ περὶ τοὺσ Μαυρουσίουσ ἠκηκόει καὶ τὰ περὶ τῶν ὑπαίθρων δυνάμεων [ὅτι σώζονται]· καὶ μὴν οὐκ ἀπελπίζειν τὰ καθ’ αὑτούσ· μάλιστα δὲ πεποιθέναι τῇ τῶν θεῶν συμμαχίᾳ καὶ ταῖσ ἐν ἐκείνοισ ἐλπίσιν· οὐ γὰρ περιόψεσθαι σφᾶσ προφανῶσ παρασπονδουμένουσ, ἀλλὰ πολλὰσ δώσειν ἀφορμὰσ πρὸσ σωτηρίαν.

διὸ παρακαλεῖν ἠξίου τὸν στρατηγὸν καὶ τῶν θεῶν ἕνεκεν καὶ τῆσ τύχησ φείσασθαι τῆσ πόλεωσ, εἰδότα σαφῶσ διότι μὴ δυνάμενοι τυχεῖν τούτου κατασφαγήσονται πρότερον ἢ παραχωρήσουσι ταύτησ.

τότε μὲν οὖν ταῦτα καὶ παραπλήσια διαλεχθέντεσ ἐχωρίσθησαν, ταξάμενοι μετὰ τρίτην ἡμέραν πάλιν συμπορεύεσθαι·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 38, ii. bellum punicum tertium

(폴리비오스, Histories, book 38, ii. bellum punicum tertium)

상위

목록

SEARCH

MENU NAVIGATION