헬라어 문장 검색 - ΠολψβίΗιστορί38́002́

(폴리비오스, Histories, book 38, chapter 2)

Μέγιστον ἡ τύχη δοκεῖ φόβον ἐπιστῆσαι τοῖσ Ἕλλησι κατὰ τὴν Ξέρξου διάβασιν εἰσ τὴν Εὐρώπην· ἔπταισαν δὲ τελέωσ ὀλίγιστοι, μάλιστα δὲ τούτων Ἀθηναῖοι·

προϊδόμενοι γὰρ ἐμφρόνωσ τὸ μέλλον ἐξέλιπον τὴν πατρίδα μετὰ τέκνων καὶ γυναικῶν.

βλάβην μὲν οὖν ὁ καιρὸσ αὐτοῖσ ἐπήνεγκε·

κύριοι γὰρ γενηθέντεσ οἱ βάρβαροι πικρῶσ διέφθειραν τὰσ Ἀθήνασ· οὐ μὴν ὄνειδοσ οὐδ’ αἰσχύνην, τὸ δ’ ἐναντίον εὔκλειαν παρὰ πᾶσι τοῖσ ἀνθρώποισ τὴν μεγίστην ἀπηνέγκαντο διότι πάντ’ ἐν ἐλάττονι θέμενοι τῆσ αὐτῆσ τύχησ εἵλαντο κοινωνεῖν τοῖσ ἄλλοισ Ἕλλησι. τοιγαροῦν καλῇ χρησάμενοι προαιρέσει, παρὰ πόδασ οὐ μόνον ἀνεκτήσαντο τὴν πατρίδα καὶ τὴν ἑαυτῶν χώραν, ἀλλὰ καὶ περὶ τῆσ τῶν ἄλλων Ἑλλήνων ἡγεμονίασ μετ’ ὀλίγον ἠμφισβήτουν πρὸσ Λακεδαιμονίουσ.

μετὰ δὲ ταῦτα πάλιν ὑπὸ Σπαρτιατῶν καταπολεμηθέντεσ εἰσ τοῦτ’ ἀνάγκησ ἦλθον ὥστε καθελεῖν τὰ τείχη τῆσ αὑτῶν πατρίδοσ.

ἀλλὰ καὶ τοῦτο Λακεδαιμονίων, οὐκ Ἀθηναίων ἄν τισ εἶναι φήσειε τοὔγκλημα, διότι βαρύτερον ἐχρήσαντο τῇ δοθείσῃ σφίσι παρὰ τῆσ τύχησ ἐξουσίᾳ.

Σπαρτιᾶται δ’ ἡττηθέντεσ ὑπὸ Θηβαίων πάλιν ἀπέβαλον τὴν τῶν Ἑλλήνων ἡγεμονίαν καὶ μετὰ ταῦτα τῆσ τῶν ἐκτὸσ ἀρχῆσ ἀποστάντεσ συνεκλείσθησαν εἰσ τοὺσ τῆσ Λακωνικῆσ ὁρ́ουσ.

καὶ τί δὴ τοῦτ’ αἰσχρόν, εἰ περὶ τῶν καλλίστων ἀμφισβητοῦντεσ ἐπὶ τοσοῦτον ἔπταισαν ὥστε πάλιν ἐπὶ τὴν πάτριον ἀναχωρῆσαι δυναστείαν;

διὸ τὰ γεγονότα ταῦτα συμπτώματα μὲν εἶναι φατέον, ἀτυχήματα δ’ οὐδαμῶσ ῥητέον.

Μαντινεῖσ ἠναγκάσθησαν ἐκλιπεῖν τὴν πατρίδα διοικισθέντεσ ὑπὸ Λακεδαιμονίων καὶ διασπασθέντεσ οἰκῆσαι κατὰ κώμασ·

ἀλλὰ πάντεσ ἐπὶ τούτοισ οὐ τὴν τῶν Μαντινέων ἀβουλίαν, ἀλλὰ τὴν Λακεδαιμονίων ὠνείδιζον.

Θηβαῖοι μετά τινα χρόνον ἄρδην ἐπεῖδον τὴν αὑτῶν πατρίδα γενομένην ἀνάστατον, ὅτε προθέμενοσ Ἀλέξανδροσ εἰσ τὴν Ἀσίαν διαβαίνειν ὑπέλαβε διὰ τῆσ εἰσ Θηβαίουσ τιμωρίασ τῷ φόβῳ φρουρήσειν τοὺσ Ἕλληνασ κατὰ τοὺσ ἰδίουσ περισπασμούσ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 38, chapter 2

(폴리비오스, Histories, book 38, chapter 2)

상위

목록

SEARCH

MENU NAVIGATION