헬라어 문장 검색 - ΠολψβίΗιστορί29́009́

(폴리비오스, Histories, book 29, chapter 9)

Προστίθημι δ’ ἔτι παρ’ ἐμαυτοῦ τοσοῦτον, μὴ καὶ μωροποιεῖσθαι συμβαίνει τὴν φιλαργυρίαν. τίσ γὰρ οὐκ ἂν ἐπισημήναιτο τὴν ἄγνοιαν ἀμφοτέρων τῶν βασιλέων, Εὐμένουσ μέν, κατὰ τίνα λόγον ἤλπισε τηλικαύτησ ἀλλοτριότητοσ ὑπαρχούσησ πιστευθήσεσθαι καὶ προσλήψεσθαι τοσοῦτο πλῆθοσ χρημάτων, μηδεμίαν δυνάμενοσ ἱκανὴν πίστιν παρασχέσθαι τῷ Περσεῖ τῆσ κομιδῆσ τούτων, ἐὰν μὴ βεβαιοῖ τὰσ ὑποσχέσεισ;

πῶσ δὲ λαβὼν τοσοῦτο πλῆθοσ χρημάτων ὑπέλαβε λήσειν Ῥωμαίουσ;

εἰ γὰρ καὶ κατὰ τὸ παρόν, οὐκ ἂν ἔν γε τῷ μετὰ ταῦτα χρόνῳ διέλαθε.

λοιπὸν ἔδει πάντωσ ἀντὶ τῶν διδομένων χρημάτων ἀλλάξασθαι τὴν πρὸσ Ῥωμαίουσ διαφοράν, δι’ ἣν ἔμελλε καὶ τῶν ληφθέντων χρημάτων ἅμα καὶ τῆσ ἀρχῆσ, σχεδὸν δὲ καὶ τοῦ βίου στερήσεσθαι, πολέμιοσ φανεὶσ Ῥωμαίοισ.

εἰ γὰρ καὶ νῦν μηδὲν πράξασ, ἐπινοήσασ δὲ μόνον εἰσ τοὺσ μεγίστουσ ἦλθε κινδύνουσ, τί ποτε παθεῖν αὐτῷ προσῆκεν ἐπὶ τέλοσ ἀχθείσησ τῆσ προειρημένησ πράξεωσ;

τοῦ δὲ Περσέωσ πάλιν τίσ οὐκ ἂν θαυμάσειε πῶσ ἄλλο τι συμφορώτερον ἢ προυργιαίτερον ἐνόμισε τοῦ δοῦναι τὰ χρήματα καὶ καταπιεῖν ἐᾶσαι τὸν Εὐμένη τὸ δέλεαρ;

εἰ μὲν γὰρ συνήργησέ τι τῶν κατὰ τὰσ ἐπαγγελίασ καὶ διέλυσε τὸν πόλεμον, εἰσ καλὸν ἡ δόσισ.

εἰ δὲ ταύτησ διεψεύσθη τῆσ ἐλπίδοσ, εἴσ γε τὴν πρὸσ Ῥωμαίουσ ἔχθραν ὁμολογουμένωσ ἂν αὐτὸν ἐμβεβλήκει·

τοῦ γὰρ εἰσ τὸ μέσον ἐνεγκεῖν ταῦτα κύριοσ ὑπῆρχεν αὐτόσ. πόσου δὲ τοῦτ’ ἄξιον Περσεῖ καὶ κατορθοῦντι τῷ πολέμῳ καὶ πταίοντι, ῥᾴδιον συλλογίσασθαι·

πάντων γὰρ τῶν συμβάντων κακῶν αἴτιον ἐνόμιζεν Εὐμένη γεγονέναι, ὃν οὐκ ἂν ἠδυνήθη κατ’ οὐδένα τρόπον ἀμύνασθαι βέλτιον ἢ πολέμιον ποιήσασ Ῥωμαίοισ.

τίσ οὖν αἰτία τῆσ οὕτωσ ἐκφανοῦσ ἀλογιστίασ;

φιλαργυρία· τί γὰρ ἂν ἄλλο τισ εἴπειεν; ὁ μὲν γὰρ χάριν τοῦ λαβεῖν τὰ μὴ καθήκοντα πάντα παρεώρα τἄλλα καὶ πάντ’ ἀνεδέχετο ποιήσειν, ὁ δὲ τοῦ μὴ δοῦναι πάντα παθεῖν καὶ πᾶν ὑπεριδεῖν ὑπέμενεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 29, chapter 9

(폴리비오스, Histories, book 29, chapter 9)

상위

목록

SEARCH

MENU NAVIGATION