Polybius, Histories, book 29, chapter 8

(폴리비오스, Histories, book 29, chapter 8)

πίδα ταύτην. ἡ μὲν οὖν καταρχὴ τῆσ πρὸσ ἀλλήλουσ ἐπιπλοκῆσ δοκεῖ μοι διὰ ταῦτα γεγονέναι· δυεῖν δὲ συγκρινομένων, τοῦ μὲν πανουργοτάτου δοκοῦντοσ εἶναι, τοῦ δὲ φιλαργυρωτάτου, γελοίαν συνέβαινε γίνεσθαι τὴν διαμάχην αὐτῶν.

ὁ μὲν γὰρ Εὐμένησ πᾶσαν ἐλπίδα προύτεινε καὶ πᾶν γένοσ δελέατοσ ὑπερρίπτει, πεπεισμένοσ θηρεύσειν τὸν Περσέα ταῖσ ἐπαγγελίαισ·

ὁ δὲ Περσεὺσ μακρόθεν ὡρ́μα πρὸσ τὰ προτεινόμενα καὶ συνετίθετο, καταπιεῖν δὲ τῶν λεγομένων οὐδὲν οἱο͂́σ τ’ ἦν ἐπὶ τοσοῦτον ὥστε καὶ προέσθαι τι τῶν αὑτοῦ.

τὸ δὲ γένοσ τῶν παλαισμάτων ἦν τοιοῦτον.

ὁ μὲν γὰρ Εὐμένησ ᾔτει τοῦ μὲν ἡσυχίαν ἔχειν κατὰ τὸ τέταρτον ἔτοσ καὶ μὴ συστρατεῦσαι Ῥωμαίοισ μήτε κατὰ γῆν μήτε κατὰ θάλατταν πεντακόσια τάλαντα, τοῦ δὲ διαλῦσαι τὸν πόλεμον χίλια πεντακόσια, καὶ τούτων ὁμήρουσ δώσειν κατὰ τάχοσ ὑπισχνεῖτο καὶ πίστεισ. ὁ δὲ Περσεὺσ ἐδέχετο περὶ τῶν ὁμήρων καὶ πόσα καὶ πότε πέμπεσθαι καὶ πῶσ δεήσει ταῦτα τηρεῖσθαι παρὰ τοῖσ Κνωσίοισ·

περὶ δὲ τῶν χρημάτων ὑπὲρ μὲν τῶν πεντακοσίων ταλάντων αἰσχρὸν ἔφησεν εἶναι καὶ τῷ διδόντι καὶ μᾶλλον ἔτι τῷ λαμβάνοντι τὸ δοκεῖν μισθοῦ τὴν ἡσυχίαν ἔχειν, τὰ δὲ χίλια καὶ πεντακόσια πέμψειν φέροντασ ἔφη τοὺσ περὶ Πολεμοκράτην εἰσ Σαμοθρᾴκην κἀκεῖ μεσιτεύσειν.

τῆσ δὲ Σαμοθρᾴκησ αὐτὸσ ἦν κύριοσ· καθάπερ οἱ μοχθηροὶ τῶν ἰατρῶν, περὶ τὸ πρόδομα μᾶλλον ἢ περὶ τὸν μισθὸν τέλοσ ἀπέστη τῆσ ἐπιβολῆσ, ἀδυνατήσασ καταγωνίσασθαι τῇ σφετέρᾳ πανουργίᾳ τὴν τοῦ Περσέωσ μικρολογίαν.

καὶ δὴ τῷ τοιούτῳ τρόπῳ ποιήσαντεσ ἱερὸν τὸν στέφανον τῆσ φιλαργυρίασ διελύθησαν ἐπ’ ἴσησ, καθάπερ ἀγαθοὶ παλαισταί.

τούτων δ’ ἔνια μὲν ἐξερρύη παρ’ αὐτὸν τὸν καιρόν, ἔνια δὲ μετ’ ὀλίγον εἰσ τοὺσ παρακειμένουσ τῷ Περσεῖ φίλουσ, παρ’ ὧν ἡμῖν ἐξεποίησε πυθέσθαι διότι πάσησ κακίασ ὡσανεὶ πατταλεῖόν ἐστιν ἡ φιλαργυρία.

일치하는 문장이 없습니다.

SEARCH

MENU NAVIGATION