Polybius, Histories, book 29, chapter 24

(폴리비오스, Histories, book 29, chapter 24)

Μακεδονίᾳ ποιουμένου. ἄλλα τε καὶ πλείω προφερόμενοι καὶ διότι, τῷ πρότερον ἔτει ψηφισαμένων τῶν Ἀχαιῶν πανδημεὶ συστρατεύειν τοῖσ Ῥωμαίοισ καὶ πεμψάντων πρεσβευτὴν τὸν Πολύβιον, ὁ Κόιντοσ ἀποδεξάμενοσ τὴν προθυμίαν ἀπείπατο μὴ χρείαν ἔχειν τῆσ βοηθείασ, ἐπεὶ κεκράτηκε τῆσ εἰσ Μακεδονίαν εἰσβολῆσ.

ἐξ ὧν ἀπεδείκνυσαν σκῆψιν οὖσαν τὴν Ῥωμαίων χρείαν πρὸσ τὸ διακωλῦσαι βοηθεῖν.

ὑποδεικνύοντεσ τὸ μέγεθοσ τῆσ περιστάσεωσ, ἐν ᾗ συνέβαινε τότε τὴν βασιλείαν ὑπάρχειν, μὴ παριδεῖν τὸν καιρόν, ἀλλὰ μνημονεύοντασ τῶν ὁμολογιῶν καὶ τῶν εὐεργεσιῶν, μάλιστα δὲ τῶν ὁρ́κων, ἐμπεδοῦν τὰσ συνθήκασ.

τῶν δὲ πολλῶν ἐπιφερομένων πάλιν βοηθεῖν, τότε μὲν οἱ περὶ τὸν Καλλικράτην ἐξέβαλον τὸ διαβούλιον, διασείσαντεσ τοὺσ ἄρχοντασ, ὡσ οὐκ οὔσησ ἐξουσίασ κατὰ τοὺσ νόμουσ ἐν ἀγορᾷ βουλεύεσθαι περὶ βοηθείασ.

καὶ μάλιστα τοῦ Πολυβίου διοριζομένου πρῶτον μὲν περὶ τοῦ μὴ χρείαν ἔχειν τοὺσ Ῥωμαίουσ τῆσ βοηθείασ καὶ δοκοῦντοσ οὐκ εἰκῇ ταῦτα λέγειν διὰ τὸ γεγονέναι τὴν παρελθοῦσαν θερείαν ἐν τῇ Μακεδονίᾳ παρὰ τῷ Φιλίππῳ, δεύτερον δὲ φάσκοντοσ, ἐὰν καὶ δέωνται Ῥωμαῖοι τῆσ συμμαχίασ, οὐ διὰ τοὺσ διακοσίουσ ἱππεῖσ καὶ χιλίουσ πεζοὺσ τοὺσ ἀποσταλησομένουσ εἰσ Ἀλεξάνδρειαν ἀδυνατήσειν τοὺσ Ἀχαιοὺσ βοηθεῖν Ῥωμαίοισ·

καλῶσ γὰρ ποιοῦντασ αὐτοὺσ καὶ τρεῖσ ἄγειν καὶ τέτταρασ μυριάδασ ἀνδρῶν μαχίμων·

εὐδοκοῦντεσ τοῖσ λεγομένοισ ἔρρεπον οἱ πολλοὶ πρὸσ τὸ πέμπειν τὴν συμμαχίαν.

τῇ δὲ δευτέρᾳ τῶν ἡμερῶν, ἐν ᾗ κατὰ τοὺσ νόμουσ ἔδει τὰ ψηφίσματα προσφέρειν τοὺσ βουλομένουσ, οἱ μὲν περὶ τὸν Λυκόρταν προσήνεγκαν διότι δεῖ πέμπειν τὴν βοήθειαν, οἱ δὲ περὶ τὸν Καλλικράτην διότι δεῖ πρεσβευτὰσ ἐξαποστέλλειν τοὺσ διαλύσοντασ τοὺσ βασιλεῖσ πρὸσ τὸν Ἀντίοχον.

πάλιν δὲ τῶν διαβουλίων προτεθέντων ἀγὼν ἐγίνετο νεανικόσ·

πολύ γε μὴν ὑπερεῖχον οἱ περὶ τὸν Λυκόρταν. αἵ τε γὰρ βασιλεῖαι συγκρινόμεναι μεγάλην εἶχον διαφοράν·

ὑπὸ μὲν γὰρ τῆσ Ἀντιόχου σπάνιον ἦν εὑρεῖν οἰκεῖόν τι γεγονὸσ καθόλου πρὸσ τοὺσ Ἕλληνασ ἔν γε τοῖσ ἀνώτερον χρόνοισ·

καὶ γὰρ ἡ τοῦ τότε βασιλεύοντοσ μεγαλοψυχία διάδηλοσ ἐγένετο τοῖσ Ἕλλησιν· ὑπὸ δὲ τῆσ Πτολεμαίου τοσαῦτα καὶ τηλικαῦτα τοῖσ Ἀχαιοῖσ ἐγεγόνει φιλάνθρωπα κατὰ τοὺσ ἀνώτερον χρόνουσ ὥστ’ ἂν μηδένα πλεῖον ἀξιοῦν.

ἃ διατιθέμενοσ ὁ Λυκόρτασ μεγάλην ἐποιεῖτο φαντασίαν, ἅτε τῆσ παραθέσεωσ ὁλοσχερῆ τὴν διαφορὰν ἐχούσησ·

καθ’ ὅσον γὰρ οὐκ ἐξαριθμήσασθαι ῥᾴδιον ἦν τὰσ τῶν ἐν Ἀλεξανδρείᾳ βασιλέων εὐεργεσίασ, κατὰ τοσοῦτον ἁπλῶσ οὐδὲν ἦν εὑρεῖν φιλάνθρωπον ἐκ τῆσ Ἀντιόχου βασιλείασ ἀπηντημένον εἰσ πραγμάτων λόγον τοῖσ Ἀχαιοῖσ.

일치하는 문장이 없습니다.

SEARCH

MENU NAVIGATION