헬라어 문장 검색 - ΠολψβίΗιστορί29́004́

(폴리비오스, Histories, book 29, chapter 4)

Οὗτοι μὲν οὖν πάντεσ προῆγον εἰσ τὴν Μακεδονίαν· ὁ δὲ Πάνταυχοσ μένων παρὰ πλευρὰν ὑπεμίμνησκεν καὶ παρώξυνε τὸν νεανίσκον πρὸσ τὸ μὴ καθυστερεῖν ταῖσ παρασκευαῖσ, ἀλλ’ ἕτοιμον ὄντα προκαταλαμβάνειν καὶ τόπουσ καὶ πόλεισ καὶ συμμάχουσ· μάλιστα δ’ αὐτὸν ἠξίου παρασκευάζεσθαι πρὸσ τὴν κατὰ θάλατταν μάχην· τῶν γὰρ Ῥωμαίων εἰσ τέλοσ ἀπαρασκεύων ὄντων πρὸσ τοῦτο τὸ μέροσ κατά τε τοὺσ περὶ τὴν Ἤπειρον καὶ τοὺσ περὶ τὴν Ἰλλυρίδα τόπουσ, ἀκονιτὶ πᾶν τὸ προτεθὲν ἐπιτελεσθήσεσθαι δι’ αὐτοῦ καὶ τῶν ὑπ’ αὐτοῦ πεμπομένων.

ὁ μὲν οὖν Γένθιοσ τούτοισ τοῖσ λόγοισ ἀναπειθόμενοσ ἐγίνετο περί τε τὰσ κατὰ γῆν καὶ κατὰ θάλατταν παρασκευάσ.

ὁ δὲ Περσεύσ, παραγενομένων εἰσ τὴν Μακεδονίαν τῶν πρεσβευτῶν παρὰ τοῦ Γενθίου καὶ τῶν ὁμηρευόντων, ὁρμήσασ ἀπὸ τῆσ περὶ τὸν Ἐλπειὸν ποταμὸν παρεμβολῆσ μετὰ πάντων τῶν ἱππέων ἀπήντα τοῖσ προειρημένοισ εἰσ τὸ Δῖον, καὶ συμμίξασ πρῶτον μὲν ἀπέδωκε τοὺσ ὁρ́κουσ ὑπὲρ τῆσ συμμαχίασ ἐναντίον πάντων τῶν ἱππέων·

πάνυ γὰρ ἐβούλετο σαφῶσ εἰδέναι τοὺσ Μακεδόνασ τὴν τοῦ Γενθίου κοινοπραγίαν, ἐλπίζων εὐθαρσεστέρουσ αὐτοὺσ ὑπάρξειν, προσγενομένησ ταύτησ τῆσ ῥοπῆσ.

ἔπειτα δὲ τοὺσ ὁμήρουσ παρελάμβανε καὶ παρεδίδου τοὺσ ἑαυτοῦ τοῖσ περὶ Ὀλυμπίωνα.

ὧν ἦσαν ἐπιφανέστατοι Λιμναῖοσ ὁ Πολεμοκράτουσ καὶ Βάλακροσ ὁ Πανταύχου. μετὰ δὲ ταῦτα τοὺσ μὲν ἐπὶ τὰ χρήματα παρόντασ εἰσ Πέλλαν ἐξέπεμπεν, ὡσ ἐκεῖ παραληψομένουσ, τοὺσ δὲ πρεσβευτὰσ τοὺσ εἰσ τὴν Ῥόδον εἰσ Θετταλονίκην πρὸσ Μητρόδωρον, συντάξασ ἑτοίμουσ εἶναι πρὸσ τὸν πλοῦν.

ἔπεισε δὲ καὶ τοὺσ Ῥοδίουσ συνεμβαίνειν εἰσ τὸν πόλεμον. σαφῶσ δὲ γινώσκειν ὡσ ἐὰν μὴ καὶ νῦν αὐτὸσ συνεπιλαμβάνηται, μάλιστα μὲν διαλύων τὸν πόλεμον, εἰ δὲ μή, βοηθῶν, ταχέωσ πεῖραν λήψεται τῆσ αὐτῆσ ἑαυτῷ τύχησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 29, chapter 4

(폴리비오스, Histories, book 29, chapter 4)

상위

목록

SEARCH

MENU NAVIGATION