헬라어 문장 검색 - ΠολψβίΗιστορί23́010́

(폴리비오스, Histories, book 23, ii. res macedoniae)

Ὅτι τῷ βασιλεῖ Φιλίππῳ καὶ τῇ συμπάσῃ Μακεδονίᾳ κατὰ τοῦτον τὸν καιρὸν δεινή τισ ἀρχὴ κακῶν ἐνέπεσε καὶ πολλῆσ ἐπιστάσεωσ καὶ μνήμησ ἀξία. καθάπερ γὰρ ἂν εἰ δίκην ἡ τύχη βουλομένη λαβεῖν ἐν καιρῷ παρ’ αὐτοῦ πάντων τῶν ἀσεβημάτων καὶ παρανομημάτων ὧν εἰργάσατο κατὰ τὸν βίον, τότε παρέστησέ τινασ ἐρινῦσ καὶ ποινὰσ καὶ προστροπαίουσ τῶν δι’ ἐκεῖνον ἠτυχηκότων·

οἳ συνόντεσ αὐτῷ καὶ νύκτωρ καὶ μεθ’ ἡμέραν τοιαύτασ ἔλαβον παρ’ αὐτοῦ τιμωρίασ, ἑώσ οὗ τὸ ζῆν ἐξέλιπεν, ὡσ καὶ πάντασ ἀνθρώπουσ ὁμολογῆσαι διότι κατὰ τὴν παροιμίαν ἔστι Δίκησ ὀφθαλμόσ, ἧσ μηδέποτε δεῖ καταφρονεῖν ἀνθρώπουσ ὑπάρχοντασ.

πρῶτον μὲν γὰρ αὐτῷ ταύτην παρεστήσαντο τὴν ἔννοιαν ὅτι δεῖ μέλλοντα πολεμεῖν πρὸσ Ῥωμαίουσ ἐκ τῶν ἐπιφανεστάτων καὶ παραθαλαττίων πόλεων τοὺσ μὲν πολιτικοὺσ ἄνδρασ μετὰ τέκνων καὶ γυναικῶν ἀναστάτουσ ποιήσαντα μεταγαγεῖν εἰσ τὴν νῦν μὲν Ἠμαθίαν, τὸ δὲ παλαιὸν Παιονίαν προσαγορευομένην, πληρῶσαι δὲ καὶ Θρᾳκῶν καὶ βαρβάρων τὰσ πόλεισ, ὡσ βεβαιοτέρασ αὐτῷ τῆσ ἐκ τούτων πίστεωσ ὑπαρξούσησ κατὰ τὰσ περιστάσεισ.

καὶ τῶν ἀνθρώπων ἀνασπάστων γινομένων, τηλικοῦτο συνέβη γενέσθαι πένθοσ καὶ τηλικοῦτον θόρυβον ὥστε δοριάλωτον δοκεῖν ἅπασαν γίνεσθαι.

ἐξ ὧν κατάραι καὶ θεοκλυτήσεισ ἐγίνοντο κατὰ τοῦ βασιλέωσ, οὐκέτι λάθρᾳ μόνον, ἀλλὰ καὶ φανερῶσ.

μάλιστα μὲν φέρων ἐπὶ τοὺσ περὶ Ἄδμητον καὶ Πύρριχον καὶ Σάμον καὶ τοὺσ μετὰ τούτων ἀπολομένουσ·

ἅμα δὲ τούτοισ συμπεριέλαβε καὶ τοὺσ ἄλλουσ ἅπαντασ, ὅσοι κατὰ βασιλικὸν πρόσταγμα τοῦ ζῆν ἐστερήθησαν, ἐπιφθεγξάμενοσ, ὥσ φασι, τὸν στίχον τοῦτον·

νήπιοσ ὃσ πατέρα κτείνασ υἱοὺσ καταλείπει. ὄντων δὲ τῶν πλείστων ἐπιφανῶν διὰ τὰσ τῶν πατέρων προαγωγάσ, ἐπιφανῆ καὶ τὴν τούτων ἀτυχίαν συνέβαινε γίνεσθαι καὶ παρὰ πᾶσιν ἐλεεινήν.

ἐν ᾧ τῶν μὲν νεανίσκων ἀλλήλοισ ἐπιβουλευόντων, τῆσ δ’ ἀναφορᾶσ περὶ τούτων ἐπ’ αὐτὸν γινομένησ, καὶ δέον διαλαμβάνειν ποτέρου δεῖ γίνεσθαι τῶν υἱῶν φονέα καὶ πότερον αὐτῶν δεδιέναι μᾶλλον κατὰ τὸν ἑξῆσ βίον, μὴ γηράσκων αὐτὸσ πάθῃ τὸ παραπλήσιον, ἐστροβεῖτο νύκτωρ καὶ μεθ’ ἡμέραν περὶ τούτων διανοούμενοσ.

ἐν τοιαύταισ δ’ οὔσησ ἀτυχίαισ καὶ ταραχαῖσ τῆσ αὐτοῦ ψυχῆσ, τίσ οὐκ ἂν εἰκότωσ ὑπολάβοι θεῶν τινων αὐτῷ μῆνιν εἰσ τὸ γῆρασ κατασκῆψαι διὰ τὰσ ἐν τῷ προγεγονότι βίῳ παρανομίασ;

τοῦτο δ’ ἔτι μᾶλλον ἔσται δῆλον ἐκ τῶν ἑξῆσ ῥηθησομένων.

‐ Ὅτι Φίλιπποσ ὁ Μακεδόνων βασιλεὺσ πολλοὺσ τῶν Μακεδόνων ἀνελὼν καὶ τοὺσ υἱοὺσ αὐτῶν ἐπανεῖλεν, ὥσ φασι, τὸν στίχον τοῦτον εἰπών· Νήπιοσ ὃσ πατέρα κτείνασ υἱοὺσ καταλείπει. καὶ διὰ ταῦτα τῆσ ψυχῆσ οἱονεὶ λυττώσησ αὐτοῦ, καὶ τὸ κατὰ τοὺσ υἱοὺσ νεῖκοσ ἅμα τοῖσ προειρημένοισ ἐξεκαύθη, τῆσ τύχησ ὥσπερ ἐπίτηδεσ ἀναβιβαζούσησ ἐπὶ σκηνὴν ἐν ἑνὶ καιρῷ τὰσ τούτων συμφοράσ.

Ἐναγίζουσιν οὖν τῷ Ξανθῷ Μακεδόνεσ καὶ καθαρμὸν ποιοῦσι σὺν ἵπποισ ὡπλισμένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 23, ii. res macedoniae

(폴리비오스, Histories, book 23, ii. res macedoniae)

상위

목록

SEARCH

MENU NAVIGATION