헬라어 문장 검색 - ΠολψβίΗιστορί23́005́

(폴리비오스, Histories, book 23, chapter 5)

ἐγεγόνει γὰρ αὐτῷ συνήθησ κατὰ τὸν Λακωνικὸν πόλεμον ‐ καὶ διὰ τὴν πρὸσ τὸν Φιλοποίμενα διαφοράν, παραγενόμενον εἰσ τὴν Ἑλλάδα, χειριεῖν τὰ κατὰ τὴν Μεσσήνην πάντα κατὰ τὴν αὐτοῦ προαίρεσιν. διὸ καὶ παρεὶσ τἄλλα προσεκαρτέρει τῷ Τίτῳ καὶ πάσασ εἰσ τοῦτον ἀπηρείσατο τὰσ ἐλπίδασ.

Ὅτι Δεινοκράτησ ὁ Μεσσήνιοσ ἦν οὐ μόνον κατὰ τὴν τριβήν, ἀλλὰ καὶ κατὰ τὴν φύσιν αὐλικὸσ καὶ στρατιωτικὸσ ἄνθρωποσ.

τὸν δὲ πραγματικὸν τρόπον ἐπέφαινε μὲν τέλειον, ἦν δὲ ψευδεπίγραφοσ καὶ ῥωπικόσ.

ἔν τε γὰρ τοῖσ πολεμικοῖσ κατὰ μὲν τὴν εὐχέρειαν καὶ τὴν τόλμαν πολὺ διέφερε τῶν ἄλλων καὶ λαμπρὸσ ἦν ἐν τοῖσ κατ’ ἰδίαν κινδύνοισ.

περὶ δὲ κοινῶν ἢ πολιτικῶν πραγμάτων ἀτενίσαι καὶ προϊδέσθαι τὸ μέλλον ἀσφαλῶσ, ἔτι δὲ παρασκευάσασθαι καὶ διαλεχθῆναι πρὸσ πλῆθοσ, εἰσ τέλοσ ἀδύνατοσ.

καὶ τότε κεκινηκὼσ ἀρχὴν μεγάλων κακῶν τῇ πατρίδι, τελείωσ οὐδὲν ᾤετο ποιεῖν, ἀλλὰ τὴν αὐτὴν ἀγωγὴν ἦγε τοῦ βίου, προορώμενοσ οὐδὲν τῶν μελλόντων, ἐρῶν δὲ καὶ κωθωνιζόμενοσ ἀφ’ ἡμέρασ καὶ τοῖσ ἀκροάμασι τὰσ ἀκοὰσ ἀνατεθεικώσ.

βραχεῖαν δέ τινα τῆσ περιστάσεωσ ἔμφασιν ὁ Τίτοσ αὐτὸν ἠνάγκασε λαβεῖν.

ἰδὼν γὰρ αὐτὸν παρὰ πότον ἐν μακροῖσ ἱματίοισ ὀρχούμενον, παρ’ αὐτὰ μὲν ἐσιώπησε, τῇ δ’ αὔριον ἐντυγχάνοντοσ αὐτοῦ καί τι περὶ τῆσ πατρίδοσ ἀξιοῦντοσ " Ἐγὼ μέν, ὦ Δεινοκράτη, πᾶν" ἔφη "ποιήσω τὸ δυνατόν·

ἐπὶ δὲ σοῦ θαυμάζω πῶσ δύνῃ παρὰ πότον ὀρχεῖσθαι, τηλικούτων πραγμάτων ἀρχὴν κεκινηκὼσ ἐν τοῖσ Ἕλλησιν.

" ἐδόκει δὲ τότε βραχύ τι συσταλῆναι καὶ μαθεῖν ὡσ ἀνοίκειον ὑπόθεσιν τῆσ ἰδίασ αἱρέσεωσ καὶ φύσεωσ ἀποδέδωκε.

Πλὴν τότε παρῆν εἰσ τὴν Ἑλλάδα μετὰ τοῦ Τίτου πεπεισμένοσ ἐξ ἐφόδου τὰ κατὰ τὴν Μεσσήνην χειρισθήσεσθαι κατὰ τὴν αὑτοῦ βούλησιν.

οἱ δὲ περὶ τὸν Φιλοποίμενα, σαφῶσ ἐπεγνωκότεσ ὅτι περὶ τῶν Ἑλληνικῶν ὁ Τίτοσ οὐδεμίαν ἐντολὴν ἔχει παρὰ τῆσ συγκλήτου, τὴν ἡσυχίαν εἶχον, καραδοκοῦντεσ αὐτοῦ τὴν παρουσίαν.

ἐπεὶ δὲ καταπλεύσασ εἰσ Ναύπακτον ἔγραψε τῷ στρατηγῷ καὶ τοῖσ δαμιουργοῖσ τῶν Ἀχαιῶν, κελεύων συνάγειν τοὺσ Ἀχαιοὺσ εἰσ ἐκκλησίαν, ἀντέγραψαν αὐτῷ διότι ποιήσουσιν, ἂν γράψῃ περὶ τίνων βούλεται διαλεχθῆναι τοῖσ Ἀχαιοῖσ·

τοὺσ γὰρ νόμουσ ταῦτα τοῖσ ἄρχουσιν ἐπιτάττειν.

τοῦ δὲ μὴ τολμῶντοσ γράφειν, αἱ μὲν τοῦ Δεινοκράτουσ ἐλπίδεσ καὶ τῶν ἀρχαίων λεγομένων φυγάδων, τότε δὲ προσφάτωσ ἐκ τῆσ Λακεδαίμονοσ ἐκπεπτωκότων, καὶ συλλήβδην ἡ τοῦ Τίτου παρουσία καὶ προσδοκία τοῦτον τὸν τρόπον διέπεσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 23, chapter 5

(폴리비오스, Histories, book 23, chapter 5)

상위

목록

SEARCH

MENU NAVIGATION