헬라어 문장 검색 - ΠολψβίΗιστορί16́025́

(폴리비오스, Histories, book 16, vi. res macedoniae et graeciae)

Ὅτι Φίλιπποσ ὁ βασιλεὺσ τοῦ χειμῶνοσ ἤδη καταρχομένου, καθ’ ὃν Πόπλιοσ Σολπίκιοσ ὕπατοσ κατεστάθη ἐν Ῥώμῃ, ποιούμενοσ τὴν διατριβὴν ἐν τοῖσ Βαργυλίοισ, θεωρῶν καὶ τοὺσ Ῥοδίουσ καὶ τὸν Ἄτταλον οὐχ οἱο͂ν διαλύοντασ τὸ ναυτικόν, ἀλλὰ καὶ προσπληροῦντασ ναῦσ καὶ φιλοτιμότερον προσκειμένουσ ταῖσ φυλακαῖσ, δυσχρήστωσ διέκειτο καὶ πολλὰσ καὶ ποικίλασ εἶχε περὶ τοῦ μέλλοντοσ ἐπινοίασ. ἅμα μὲν γὰρ ἠγωνία τὸν ἐκ τῶν Βαργυλίων ἔκπλουν καὶ προεωρᾶτο τὸν κατὰ θάλατταν κίνδυνον, ἅμα δὲ τοῖσ κατὰ τὴν Μακεδονίαν πράγμασι διαπιστῶν οὐδαμῶσ ἐβούλετο παραχειμάζειν κατὰ τὴν Ἀσίαν, φοβούμενοσ [μὲν οὖν] καὶ τοὺσ Αἰτωλοὺσ καὶ τοὺσ Ῥωμαίουσ·

καὶ γὰρ οὐδ’ ἠγνόει τὰσ ἐξαποστελλομένασ κατ’ αὐτοῦ πρεσβείασ εἰσ Ῥώμην, διόπερ πέρασ ἔχει τὰ κατὰ τὴν Λιβύην.

ἐξ ὧν ἐδυσχρηστεῖτο μὲν ὑπερβαλλόντωσ, ἠναγκάζετο δὲ κατὰ τὸ παρὸν ἐπιμένων αὐτοῦ, τὸ δὴ λεγόμενον, λύκου βίον ζῆν.

παρ’ ὧν μὲν γὰρ ἁρπάζων καὶ κλέπτων, τοὺσ δ’ ἀποβιαζόμενοσ, ἐνίουσ δὲ παρὰ φύσιν αἰκάλλων διὰ τὸ λιμώττειν αὐτῷ τὸ στράτευμα, ποτὲ μὲν ἐσιτεῖτο κρέα, ποτὲ δὲ σῦκα, ποτὲ δὲ σιτάρια βραχέα παντελῶσ·

ὧν τινὰ μὲν αὐτῷ Ζεῦξισ ἐχορήγει, τὰ δὲ Μυλασεῖσ καὶ Ἀλαβανδεῖσ καὶ Μάγνητεσ, οὕσ, ὁπότε μέν τι δοῖεν, ἔσαινεν, ὅτε δὲ μὴ δοῖεν, ὑλάκτει καὶ ἐπεβούλευεν αὐτοῖσ.

τέλοσ ἐπὶ τὴν Μυλασέων πόλιν πράξεισ συνεστήσατο διὰ Φιλοκλέουσ, ἐσφάλη δὲ διὰ τὴν ἀλογίαν τῆσ ἐπιβολῆσ.

τὴν δ’ Ἀλαβανδέων χώραν ὡσ πολεμίαν κατέφθειρε, φήσασ ἀναγκαῖον εἶναι πορίζειν τῷ στρατεύματι τὰ πρὸσ τὴν τροφήν.

‐ Πολύβιοσ δ’ ὁ Μεγαλοπολίτησ ἐν τῇ ι#2# τῶν ἱστοριῶν "3Φίλιπποσ"3 φησὶν "3ὁ Περσέωσ πατήρ, ὅτε τὴν Ἀσίαν κατέτρεχεν, ἀπορῶν τροφῶν τοῖσ στρατιώταισ παρὰ Μαγνήτων, ἐπεὶ σῖτον οὐκ εἶχον, σῦκα ἔλαβε. διὸ καὶ Μυοῦντοσ κυριεύσασ τοῖσ Μάγνησιν ἐχαρίσατο τὸ χωρίον ἀντὶ τῶν σύκων"3.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 16, vi. res macedoniae et graeciae

(폴리비오스, Histories, book 16, vi. res macedoniae et graeciae)

상위

목록

SEARCH

MENU NAVIGATION