헬라어 문장 검색 - ΠολψβίΗιστορί16́033́

(폴리비오스, Histories, book 16, chapter 32)

Ἐξ ὧν εἴποι τισ ἂν καὶ τὴν λεγομένην Φωκικὴν ἀπόνοιαν καὶ τὴν Ἀκαρνάνων εὐψυχίαν ὑπερηρκέναι τὴν τῶν Ἀβυδηνῶν τόλμαν. Φωκεῖσ τε γὰρ δοκοῦσι τὰ παραπλήσια βουλεύσασθαι περὶ τῶν ἀναγκαίων, οὐκ εἰσ τέλοσ ἀπηλπισμένασ ἔχοντεσ τὰσ τοῦ νικᾶν ἐλπίδασ διὰ τὸ μέλλειν ποιεῖσθαι τὸν κίνδυνον πρὸσ τοὺσ Θετταλοὺσ ἐν τοῖσ ὑπαίθροισ ἐκ παρατάξεωσ·

ὁμοίωσ δὲ καὶ τὸ τῶν Ἀκαρνάνων ἔθνοσ, ὅτε προιδόμενοι τὴν Αἰτωλῶν ἔφοδον, ἐβουλεύσαντο παραπλήσια περὶ τῶν ἐνεστώτων· ὑπὲρ ὧν τὰ κατὰ μέροσ ἡμεῖσ ἐν τοῖσ πρὸ τούτων ἱστορήκαμεν.

Ἀβυδηνοὶ δέ, συγκεκλεισμένοι καὶ σχεδὸν ἀπηλπικότεσ τὴν σωτηρίαν, πανδημεὶ προείλοντο τῆσ εἱμαρμένησ τυχεῖν μετὰ τῶν τέκνων καὶ τῶν γυναικῶν μᾶλλον ἢ ζῶντεσ ἔτι πρόληψιν ἔχειν τοῦ πεσεῖσθαι τὰ σφέτερα τέκνα καὶ τὰσ γυναῖκασ ὑπὸ τὴν τῶν ἐχθρῶν ἐξουσίαν.

διὸ καὶ μάλιστ’ ἄν τισ ἐπὶ τῆσ Ἀβυδηνῶν περιπετείασ μέμψαιτο τῇ τύχῃ, διότι τὰσ μὲν τῶν προειρημένων συμφορὰσ οἱο͂ν ἐλεήσασα παραυτίκα διωρθώσατο, περιθεῖσα τὴν νίκην ἅμα καὶ τὴν σωτηρίαν τοῖσ ἀπηλπισμένοισ, περὶ δ’ Ἀβυδηνῶν τὴν ἐναντίαν εἶχε διάληψιν.

οἱ μὲν γὰρ ἄνδρεσ ἀπέθανον, ἡ δὲ πόλισ ἑάλω, τὰ δὲ τέκνα σὺν αὐταῖσ μητράσιν ἐγένετο τοῖσ ἐχθροῖσ ὑποχείρια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 16, chapter 32

(폴리비오스, Histories, book 16, chapter 32)

상위

목록

SEARCH

MENU NAVIGATION