헬라어 문장 검색 - ΠολψβίΗιστορί16́003́

(폴리비오스, Histories, book 16, chapter 3)

Λαβούσησ δὲ τὴν καταρχὴν τῆσ ναυμαχίασ ἐκ τῆσ Ἀττάλου νεώσ, εὐθέωσ πάντεσ οἱ σύνεγγυσ ἀπαραγγέλτωσ συνέβαλον ἀλλήλοισ. Ἄτταλοσ μὲν οὖν συμπεσὼν ὀκτήρει, καὶ προεμβαλὼν ταύτῃ καιρίαν καὶ ὕφαλον πληγήν, ἐπὶ πολὺ τῶν ἐπὶ τοῦ καταστρώματοσ ἀγωνισαμένων τέλοσ ἐβύθισε τὴν ναῦν.

ἡ δὲ τοῦ Φιλίππου δεκήρησ, ναυαρχὶσ οὖσα, παραλόγωσ ἐγένετο τοῖσ ἐχθροῖσ ὑποχείριοσ.

ὑποπεσούσησ γὰρ αὐτῇ τριημιολίασ, ταύτῃ δοῦσα πληγὴν βιαίαν κατὰ μέσον τὸ κύτοσ ὑπὸ τὸν θρανίτην σκαλμὸν ἐδέθη, τοῦ κυβερνήτου τὴν ὁρμὴν τῆσ νεὼσ οὐκέτι δυνηθέντοσ ἀναλαβεῖν·

διὸ καὶ προσκρεμαμένου τοῦ πλοίου τοῖσ ὅλοισ ἐδυσχρηστεῖτο καὶ δυσκίνητοσ ἦν πρὸσ πᾶν.

καὶ τρώσασαι τὴν ναῦν ἐξ ἀμφοῖν τοῖν μεροῖν, καὶ τὸ σκάφοσ καὶ τοὺσ ἐπιβάτασ τοὺσ ἐν αὐτῷ διέφθειραν, ἐν οἷσ ἦν καὶ Δημοκράτησ ὁ τοῦ Φιλίππου ναύαρχοσ.

κατὰ δὲ τὸν αὐτὸν καιρὸν Διονυσόδωροσ καὶ Δεινοκράτησ, ὄντεσ ἀδελφοὶ καὶ ναυαρχοῦντεσ παρ’ Ἀττάλῳ, συμπεσόντεσ ὁ μὲν ἑπτήρει τῶν πολεμίων, ὁ δ’ ὀκτήρει, παραβόλωσ ἐχρήσαντο τῇ ναυμαχίᾳ.

Δεινοκράτησ μὲν πρὸσ ὀκτήρη συμπεσὼν αὐτὸσ μὲν ἔξαλον ἔλαβε τὴν πληγήν, ἀναστείρου τῆσ νεὼσ οὔσησ, τὴν δὲ τῶν πολεμίων τρώσασ ναῦν ὑπὸ τὰ βίαχα τὸ μὲν πρῶτον οὐκ ἐδύνατο χωρισθῆναι, καίπερ πολλάκισ ἐπιβαλόμενοσ πρύμναν κρούειν·

διὸ καὶ τῶν Μακεδόνων εὐψύχωσ ἀγωνιζομένων εἰσ τὸν ἔσχατον παρεγένετο κίνδυνον.

οἱ δὲ τῆσ πολεμίασ νεὼσ ἐπιβάται πάντεσ εὐψύχωσ διαγωνισάμενοι διεφθάρησαν, τὸ δὲ σκάφοσ ἔρημον ἀπολειφθὲν ὑποχείριον ἐγένετο τοῖσ περὶ τὸν Ἄτταλον.

ὁ δὲ Διονυσόδωροσ μετὰ βίασ ἐπιφερόμενοσ εἰσ ἐμβολὴν αὐτὸσ μὲν ἥμαρτε τοῦ τρῶσαι, παραπεσὼν δὲ τοῖσ πολεμίοισ ἀπέβαλε τὸν δεξιὸν ταρσὸν τῆσ νεώσ, ὁμοῦ συρραγέντων καὶ τῶν πυργούχων·

οὗ γενομένου περιέστησαν αὐτὸν πανταχόθεν οἱ πολέμιοι.

κραυγῆσ δὲ καὶ θορύβου γενομένου τὸ μὲν λοιπὸν πλῆθοσ τῶν ἐπιβατῶν ἅμα τῷ σκάφει διεφθάρη, τρίτοσ δ’ αὐτὸσ ὁ Διονυσόδωροσ ἀπενήξατο πρὸσ τὴν ἐπιβοηθοῦσαν αὐτῷ τριημιολίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 16, chapter 3

(폴리비오스, Histories, book 16, chapter 3)

상위

목록

SEARCH

MENU NAVIGATION