헬라어 문장 검색 - ΠολψβίΗιστορί16́007́

(폴리비오스, Histories, book 16, chapter 7)

Ἐφθάρησαν δὲ τοῦ μὲν Φιλίππου ναῦσ ἐν μὲν τῇ πρὸσ Ἄτταλον ναυμαχίᾳ δεκήρησ, ἐννήρησ, ἑπτήρησ, ἑξήρησ, τῶν δὲ λοιπῶν κατάφρακτοι μὲν δέκα καὶ τριημιολίαι τρεῖσ, λέμβοι δὲ πέντε καὶ εἴκοσι καὶ τὰ τούτων πληρώματα· ἐν δὲ τῇ πρὸσ Ῥοδίουσ διεφθάρησαν κατάφρακτοι μὲν δέκα, λέμβοι δὲ περὶ τετταράκοντα τὸν ἀριθμόν·

ἥλωσαν δὲ δύο τετρήρεισ καὶ λέμβοι σὺν τοῖσ πληρώμασιν ἑπτά. τῶν δὲ παρ’ Ἀττάλου κατέδυσαν μὲν τριημιολία μία καὶ δύο πεντήρεισ, ἥλωσαν δὲ δύο τετρήρεισ καὶ τὸ τοῦ βασιλέωσ σκάφοσ.

τῶν δὲ Ῥοδίων διεφθάρησαν μὲν δύο πεντήρεισ καὶ τριήρησ, ἥλω δ’ οὐδέν.

ἄνδρεσ δὲ τῶν μὲν Ῥοδίων ἀπέθανον εἰσ ἑξήκοντα, τῶν δὲ παρ’ Ἀττάλου πρὸσ ἑβδομήκοντα, τῶν δὲ τοῦ Φιλίππου Μακεδόνεσ μὲν εἰσ τρισχιλίουσ, τῶν δὲ πληρωμάτων εἰσ ἑξακισχιλίουσ.

ἑάλωσαν δὲ ζωγρίᾳ τῶν μὲν συμμάχων καὶ Μακεδόνων εἰσ δισχιλίουσ, τῶν δ’ ὑπεναντίων εἰσ ἑπτακοσίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 16, chapter 7

(폴리비오스, Histories, book 16, chapter 7)

상위

목록

SEARCH

MENU NAVIGATION