헬라어 문장 검색 - ΠολψβίΗιστορί16́023́

(폴리비오스, Histories, book 16, iv. res syriae)

Ὅτι Ἀντιόχου τοῦ βασιλέωσ τὴν τῶν Γαζαίων πόλιν πορθήσαντοσ φησὶν ὁ Πολύβιοσ· ἐμοὶ δὲ καὶ δίκαιον ἅμα καὶ πρέπον εἶναι δοκεῖ τὸ τοῖσ Γαζαίοισ ἀποδοῦναι τὴν καθήκουσαν μαρτυρίαν.

οὐδὲν γὰρ διαφέροντεσ ἀνδρείᾳ τῶν κατὰ Κοίλην Συρίαν πρὸσ τὰσ πολεμικὰσ πράξεισ, ἐν κοινωνίᾳ πραγμάτων καὶ τῷ τηρεῖν τὴν πίστιν πολὺ διαφέρουσι καὶ συλλήβδην ἀνυπόστατον ἔχουσι τὴν τόλμαν.

κατὰ γὰρ τὴν Περσῶν ἔφοδον ἐκπλαγέντων τῶν ἄλλων διὰ τὸ μέγεθοσ τῆσ δυναστείασ, καὶ πάντων ἐγχειρισάντων σφᾶσ αὐτοὺσ καὶ τὰσ πατρίδασ Μήδοισ, μόνοι τὸ δεινὸν ὑπέμειναν πάντεσ, τὴν πολιορκίαν ἀναδεξάμενοι.

κατὰ δὲ τὴν Ἀλεξάνδρου παρουσίαν οὐ μόνον τῶν ἄλλων παραδεδωκότων αὑτούσ, ἀλλὰ καὶ Τυρίων ἐξηνδραποδισμένων μετὰ βίασ, καὶ σχεδὸν ἀνελπίστου τῆσ σωτηρίασ ὑπαρχούσησ τοῖσ ἐναντιουμένοισ πρὸσ τὴν ὁρμὴν καὶ βίαν τὴν Ἀλεξάνδρου, μόνοι τῶν κατὰ Συρίαν ὑπέστησαν καὶ πάσασ ἐξήλεγξαν τὰσ ἐλπίδασ.

τὸ δὲ παραπλήσιον ἐποίησαν καὶ κατὰ τοὺσ ἐνεστῶτασ καιρούσ·

οὐδὲν γὰρ ἀπέλειπον τῶν ἐνδεχομένων, σπουδάζοντεσ διαφυλάξαι τὴν πρὸσ τὸν Πτολεμαῖον πίστιν. διὸ καθάπερ καὶ κατ’ ἰδίαν ἐπισημαινόμεθα τοὺσ ἀγαθοὺσ ἄνδρασ ἐν τοῖσ ὑπομνήμασι, τὸν αὐτὸν τρόπον χρὴ καὶ κοινῇ τῶν πόλεων τὴν ἐπ’ ἀγαθῷ ποιήσασθαι μνήμην, ὅσαι τῶν καλῶν ἐκ παραδόσεώσ τι καὶ προθέσεωσ πράττειν εἰώθασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 16, iv. res syriae

(폴리비오스, Histories, book 16, iv. res syriae)

상위

목록

SEARCH

MENU NAVIGATION