헬라어 문장 검색 - ΠολψβίΗιστορί16́019́

(폴리비오스, Histories, book 16, chapter 19)

Μετὰ δὲ ταῦτά φησι καταπροτερουμένην τὴν φάλαγγα ταῖσ εὐχειρίαισ καὶ πιεζομένην ὑπὸ τῶν Αἰτωλῶν ἀναχωρεῖν ἐπὶ πόδα, τὰ δὲ θηρία τοὺσ ἐγκλίνοντασ ἐκδεχόμενα καὶ συμπίπτοντα τοῖσ πολεμίοισ μεγάλην παρέχεσθαι χρείαν. πῶσ δὲ ταῦτα γέγονεν ὀπίσω τῆσ φάλαγγοσ οὐ ῥᾴδιον καταμαθεῖν, ἢ πῶσ γενόμενα παρείχετο χρείαν μεγάλην·

ὅτε γὰρ ἅπαξ αἱ φάλαγγεσ συνέπεσον ἀλλήλαισ, οὐκέτι δυνατὸν ἦν κρῖναι τὰ θηρία τίσ τῶν ὑποπιπτόντων φίλιοσ ἢ πολέμιόσ ἐστι.

πρὸσ δὲ τούτοισ φησὶ τοὺσ Αἰτωλῶν ἱππέασ δυσχρηστεῖσθαι κατὰ τὸν κίνδυνον διὰ τὴν ἀσυνήθειαν τῆσ τῶν θηρίων φαντασίασ.

ἀλλ’ οἱ μὲν ἐπὶ τοῦ δεξιοῦ ταχθέντεσ ἐξ ἀρχῆσ ἀκέραιοι διέμενον, ὡσ αὐτόσ φησι·

τὸ δὲ λοιπὸν πλῆθοσ τῶν ἱππέων τὸ μερισθὲν ἐπὶ τὸ λαιὸν ἐπεφεύγει πᾶν ὑπὸ τῶν περὶ τὸν Ἀντίοχον ἡττημένον. ποῖον οὖν μέροσ τῶν ἱππέων ἦν κατὰ μέσην τὴν φάλαγγα τὸ τοὺσ ἐλέφαντασ ἐκπληττόμενον;

ποῦ δ’ ὁ βασιλεὺσ γέγονεν, ἢ τίνα παρέσχηται χρείαν ἐν τῇ μάχῃ, τὸ κάλλιστον σύστημα περὶ αὑτὸν ἐσχηκὼσ καὶ τῶν πεζῶν καὶ τῶν ἱππέων;

ἁπλῶσ γὰρ οὐδὲν εἴρηται περὶ τούτων. ποῦ δ’ ὁ πρεσβύτεροσ τῶν υἱῶν Ἀντίοχοσ ὁ μετὰ μέρουσ τινὸσ τῆσ δυνάμεωσ προκαταλαβόμενοσ τοὺσ ὑπερδεξίουσ τόπουσ;

οὗτοσ μὲν γὰρ οὐδ’ εἰσ τὴν στρατοπεδείαν ἀνακεχώρηκεν αὐτῷ μετὰ τὴν μάχην.

εἰκότωσ· δύο γὰρ Ἀντιόχουσ ὑπέθετο τοῦ βασιλέωσ υἱούσ, ὄντοσ ἑνὸσ τοῦ τότε συνεστρατευμένου. πῶσ δ’ ὁ Σκόπασ ἅμα μὲν αὐτῷ πρῶτοσ, ἅμα δ’ ἔσχατοσ ἀναλέλυκεν ἐκ τοῦ κινδύνου;

φησὶ γὰρ αὐτὸν ἰδόντα τοὺσ περὶ τὸν νεώτερον Ἀντίοχον ἐκ τοῦ διώγματοσ ἐπιφαινομένουσ κατὰ νώτου τοῖσ φαλαγγίταισ, καὶ διὰ τοῦτο τὰσ τοῦ νικᾶν ἐλπίδασ ἀπογνόντα, ποιεῖσθαι τὴν ἀποχώρησιν· μετὰ δὲ ταῦτα συστῆναι τὸν μέγιστον κίνδυνον, κυκλωθείσησ τῆσ φάλαγγοσ ὑπό τε τῶν θηρίων καὶ τῶν ἱππέων, καὶ τελευταῖον ἀποχωρῆσαι τὸν Σκόπαν ἀπὸ τοῦ κινδύνου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 16, chapter 19

(폴리비오스, Histories, book 16, chapter 19)

상위

목록

SEARCH

MENU NAVIGATION