헬라어 문장 검색 - ΠολψβίΗιστορί16́018́

(폴리비오스, Histories, book 16, chapter 18)

Ὃ δὲ λέγειν βούλομαι, γένοιτ’ ἂν οὕτω μάλιστα καταφανέσ. τῶν γε μὴν πραγμάτων ἐπὶ τοσοῦτον ὠλιγώρηκεν ὥστε πάλιν ἀνυπέρβλητον εἶναι τὴν εὐχέρειαν καὶ τὴν ἀπειρίαν τοῦ συγγραφέωσ.

προθέμενοσ γὰρ πρώτην διασαφεῖν τὴν τῶν περὶ τὸν Σκόπαν ἔκταξιν, τῷ μὲν δεξιῷ κέρατί φησι τῆσ ὑπωρείασ ἔχεσθαι τὴν φάλαγγα μετ’ ὀλίγων ἱππέων, τὸ δ’ εὐώνυμον αὐτῆσ καὶ τοὺσ ἱππεῖσ πάντασ τοὺσ ἐπὶ τούτου τεταγμένουσ ἐν τοῖσ ἐπιπέδοισ κεῖσθαι.

τὴν δὲ λοιπὴν δύναμιν ἅμα τῷ φωτὶ διαβιβάσαντα τὸν ποταμὸν τὸν μεταξὺ τῶν στρατοπέδων ἐν τοῖσ ἐπιπέδοισ ἐκτάττειν, τιθέντα τοὺσ μὲν φαλαγγίτασ ἐπὶ μίαν εὐθεῖαν κατὰ μέσην τὴν τῶν πολεμίων τάξιν, τῶν δ’ ἱππέων τοὺσ μὲν ἐπὶ τὸ λαιὸν κέρασ τῆσ φάλαγγοσ, τοὺσ δ’ ἐπὶ τὸ δεξιόν, ἐν οἷσ εἶναι καὶ τὴν κατάφρακτον ἵππον, ἧσ ἡγεῖτο πάσησ ὁ νεώτεροσ Ἀντίοχοσ τῶν υἱῶν.

μετὰ δὲ ταῦτά φησι τὰ θηρία προτάξαι τῆσ φάλαγγοσ ἐν διαστήματι καὶ τοὺσ μετ’ Ἀντιπάτρου Ταραντίνουσ, τὰ δὲ μεταξὺ τῶν θηρίων πληρῶσαι τοῖσ τοξόταισ καὶ σφενδονήταισ, αὐτὸν δὲ μετὰ τῆσ ἑταιρικῆσ ἵππου καὶ τῶν ὑπασπιστῶν κατόπιν ἐπιστῆναι τοῖσ θηρίοισ.

τὰσ δὲ φάλαγγασ, ἐπεὶ συνέβαλλον ἀλλήλαισ, μάχην ποιεῖν ἰσχυράν.

ὅτι δὲ συμβαλεῖν ἀδύνατον ἦν τῶν θηρίων καὶ τῶν ἱππέων καὶ τῶν εὐζώνων προτεταγμένων, τοῦτ’ οὐκέτι συνορᾷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 16, chapter 18

(폴리비오스, Histories, book 16, chapter 18)

상위

목록

SEARCH

MENU NAVIGATION