헬라어 문장 검색 - ΠολψβίΗιστορί16́014́

(폴리비오스, Histories, book 16, chapter 14)

Ὅτι φησὶ Πολύβιοσ ἐπεὶ δέ τινεσ τῶν τὰσ κατὰ μέροσ γραφόντων πράξεισ γεγράφασι καὶ περὶ τούτων τῶν καιρῶν, ἐν οἷσ τά τε κατὰ Μεσσηνίουσ καὶ τὰ κατὰ τὰσ προειρημένασ ναυμαχίασ συνετελέσθη, βούλομαι βραχέα περὶ αὐτῶν διαλεχθῆναι. ποιήσομαι δ’ οὐ πρὸσ ἅπαντασ, ἀλλ’ ὅσουσ ὑπολαμβάνω μνήμησ ἀξίουσ εἶναι καὶ διαστολῆσ·

εἰσὶ δ’ οὗτοι Ζήνων καὶ Ἀντισθένησ οἱ Ῥόδιοι. τούτουσ δ’ ἀξίουσ εἶναι κρίνω διὰ πλείουσ αἰτίασ.

καὶ γὰρ κατὰ τοὺσ καιροὺσ γεγόνασι καὶ προσέτι πεπολίτευνται καὶ καθόλου πεποίηνται τὴν πραγματείαν οὐκ ὠφελείασ χάριν, ἀλλὰ δόξησ καὶ τοῦ καθήκοντοσ ἀνδράσι πολιτικοῖσ. τῷ δὲ τὰσ αὐτὰσ γράφειν ἡμῖν πράξεισ ἀναγκαῖόν ἐστι μὴ παρασιωπᾶν, ἵνα μὴ τῷ τῆσ πατρίδοσ ὀνόματι καὶ τῷ δοκεῖν οἰκειοτάτασ εἶναι Ῥοδίοισ τὰσ κατὰ θάλατταν πράξεισ, ἡμῶν ἀντιδοξούντων πρὸσ αὐτοὺσ ἐνίοτε, μᾶλλον ἐπακολουθήσωσιν ἐκείνοισ ἤπερ ἡμῖν οἱ φιλομαθοῦντεσ.

οὗτοι τοιγαροῦν ἀμφότεροι πρῶτον μὲν τὴν περὶ Λάδην ναυμαχίαν οὐχ ἥττω τῆσ περὶ Χίον, ἀλλ’ ἐνεργεστέραν καὶ παραβολωτέραν ἀποφαίνουσι καὶ τῇ κατὰ μέροσ τοῦ κινδύνου χρείᾳ καὶ συντελείᾳ καὶ καθόλου φασὶ τὸ νίκημα γεγονέναι κατὰ τοὺσ Ῥοδίουσ.

ἐγὼ δὲ διότι μὲν δεῖ ῥοπὰσ διδόναι ταῖσ αὑτῶν πατρίσι τοὺσ συγγραφέασ, συγχωρήσαιμ’ ἄν, οὐ μὴν τὰσ ἐναντίασ τοῖσ συμβεβηκόσιν ἀποφάσεισ ποιεῖσθαι περὶ αὐτῶν.

ἱκανὰ γὰρ τὰ κατ’ ἄγνοιαν γινόμενα τοῖσ γράφουσιν, ἃ διαφυγεῖν ἄνθρωπον δυσχερέσ·

ἐὰν δὲ κατὰ προαίρεσιν ψευδογραφῶμεν ἢ πατρίδοσ ἕνεκεν ἢ φίλων [ἢ] χάριτοσ, τί διοίσομεν τῶν ἀπὸ τούτου τὸν βίον ποριζομένων;

ὥσπερ γὰρ ἐκεῖνοι τῷ λυσιτελεῖ μετροῦντεσ ἀδοκίμουσ ποιοῦσι τὰσ αὑτῶν συντάξεισ, οὕτωσ οἱ πολιτικοὶ τῷ μισεῖν ἢ τῷ φιλεῖν ἑλκόμενοι πολλάκισ εἰσ ταὐτὸ τέλοσ ἐμπίπτουσι τοῖσ προειρημένοισ.

διὸ δεῖ καὶ τοῦτο τὸ μέροσ ἐπιμελῶσ τοὺσ μὲν ἀναγινώσκοντασ παρατηρεῖν, τοὺσ δὲ γράφοντασ αὐτοὺσ παραφυλάττεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 16, chapter 14

(폴리비오스, Histories, book 16, chapter 14)

상위

목록

SEARCH

MENU NAVIGATION