헬라어 문장 검색 - ΠολψβίΗιστορί16́004́

(폴리비오스, Histories, book 16, chapter 4)

Τῶν δὲ λοιπῶν νεῶν τοῦ πλήθουσ ὁ κίνδυνοσ ἐφάμιλλοσ ἦν· καθ’ ὅσον γὰρ ἐπλεόναζον οἱ παρὰ τοῦ Φιλίππου λέμβοι, κατὰ τοσοῦτον διέφερον οἱ περὶ τὸν Ἄτταλον τῷ τῶν καταφράκτων νεῶν πλήθει.

καὶ τὰ μὲν περὶ τὸ δεξιὸν κέρασ τοῦ Φιλίππου τοιαύτην εἶχε τὴν διάθεσιν ὥστ’ ἀκμὴν ἄκριτα μένειν τὰ ὅλα, πολὺ δὲ τοὺσ περὶ τὸν Ἄτταλον ἐπικυδεστέρασ ἔχειν τὰσ ἐλπίδασ.

οἱ δὲ Ῥόδιοι κατὰ μὲν τὰσ ἀρχὰσ εὐθέωσ ἐκ τῆσ ἀναγωγῆσ ἀπεσπάσθησαν τῶν πολεμίων, καθάπερ ἀρτίωσ εἶπα, τῷ δὲ ταχυναυτεῖν παρὰ πολὺ διαφέροντεσ τῶν ἐναντίων συνῆψαν τοῖσ ἐπὶ τῆσ οὐραγίασ Μακεδόσι.

καὶ τὸ μὲν πρῶτον ὑποχωροῦσι τοῖσ σκάφεσι κατὰ πρύμναν ἐπιφερόμενοι τοὺσ ταρσοὺσ παρέλυον·

τότε κατὰ πρόσωπον ἀντιπρώρρουσ τάξαντεσ τὰσ ναῦσ ἀμφότεροι συνέβαλον εὐψύχωσ, ὁμοῦ ταῖσ σάλπιγξι καὶ τῇ κραυγῇ παρακαλοῦντεσ ἀλλήλουσ.

εἰ μὲν οὖν μὴ μεταξὺ τῶν καταφράκτων νεῶν ἔταξαν οἱ Μακεδόνεσ τοὺσ λέμβουσ, ῥᾳδίαν ἂν καὶ σύντομον ἔλαβε κρίσιν ἡ ναυμαχία·

νῦν δὲ ταῦτ’ ἐμπόδια πρὸσ τὴν χρείαν τοῖσ Ῥοδίοισ ἐγίνετο κατὰ πολλοὺσ τρόπουσ. ὅθεν οὔτε διεκπλεῖν εὐχερῶσ οὔτε στρέφειν ἐδύναντο τὰσ ναῦσ οὔτε καθόλου χρῆσθαι τοῖσ ἰδίοισ προτερήμασιν, ἐμπιπτόντων αὐτοῖσ τῶν λέμβων ποτὲ μὲν εἰσ τοὺσ ταρσούσ, ὥστε δυσχρηστεῖν ταῖσ εἰρεσίαισ, ποτὲ δὲ πάλιν εἰσ τὰσ πρώρρασ, ἔστι δ’ ὅτε κατὰ πρύμναν, ὥστε παραποδίζεσθαι καὶ τὴν τῶν κυβερνητῶν καὶ τὴν τῶν ἐρετῶν χρείαν.

κατὰ δὲ τὰσ ἀντιπρώρρουσ συμπτώσεισ ἐποίουν τι τεχνικόν·

αὐτοὶ μὲν γὰρ ἔμπρωρρα τὰ σκάφη ποιοῦντεσ ἐξάλουσ ἐλάμβανον τὰσ πληγάσ, τοῖσ δὲ πολεμίοισ ὕφαλα τὰ τραύματα διδόντεσ ἀβοηθήτουσ ἐσκεύαζον τὰσ πληγάσ.

σπανίωσ δ’ εἰσ τοῦτο συγκατέβαινον·

καθόλου γὰρ ἐξέκλινον τὰσ συμπλοκὰσ διὰ τὸ γενναίωσ ἀμύνεσθαι τοὺσ Μακεδόνασ ἀπὸ τῶν καταστρωμάτων ἐν ταῖσ συστάδην γινομέναισ μάχαισ. τὸ δὲ πολὺ κατὰ μὲν τοὺσ διέκπλουσ παρασύροντεσ τῶν πολεμίων νεῶν τοὺσ ταρσοὺσ ἠχρείουν·

μετὰ δὲ ταῦτα πάλιν ἐκπεριπλέοντεσ, καὶ τοῖσ μὲν κατὰ πρύμναν ἐμβάλλοντεσ, τοῖσ δὲ πλαγίοισ καὶ στρεφομένοισ ἀκμὴν προσπίπτοντεσ οὓσ μὲν ἐτίτρωσκον, οἷσ δὲ παρέλυον ἀεί τι τῶν πρὸσ τὴν χρείαν ἀναγκαίων. καὶ δὴ τῷ τοιούτῳ τρόπῳ μαχόμενοι παμπληθεῖσ τῶν πολεμίων ναῦσ διέφθειραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 16, chapter 4

(폴리비오스, Histories, book 16, chapter 4)

상위

목록

SEARCH

MENU NAVIGATION